चर्चा कोरियन फूटबल टिमको

काठमाडौ, चैत्र २६ - अन्तर्राष्ट्रिय मञ्चमा उत्तर कोरियाली फुटबललाई रहस्यमय मानिन्छ, किनभने यसबारे असाध्यै कम जानकारी हुन्छ । उत्तर कोरियाली फुटबल टिमले कसरी अभ्यास गर्छ, खेलाडी के कस्ता छन्, प्रशिक्षक को हुन् ? यसबारे विरलै जानकारी बाहिर आउने गर्छ । गत विश्वकपमा सहभागी उत्तर कोरियाली समूहबारे विश्वव्यापी कौतुहलता थियो ।यस्तै रहस्यले भरिएको उत्तर कोरियाली फुटबल टिम अहिले राजधानीमा छ, एएफसी च्यालेञ्ज कपको छनोट खेल्न । यसमा विश्वकप खेलेका तीन र एसियन कप खेलेका आठ खेलाडी छन् । त्यो टोली शनिबार नेपालसँग भिड्दै छ । बिहीबार उसले श्रीलंकालाई ४-० ले हराएको थियो
। छनोटको शीर्ष दुई स्थानमा रहने टिमले च्यालेञ्ज कपको अन्तिम चरण खेल्नेछन् ।


अन्तर्राष्ट्रिय मञ्चमा उत्तर कोरिया विशेषतः तीन प्रसङ्गका लागि चर्चामा रहने गर्छ, किम जोङ इलका उत्तराधिकारी, उसको आणविक शक्ति बन्ने महत्त्वाकांक्षा र त्यहाँको फुटबल ।


गत जुलाईमा दक्षिण अफ्रिकामा भएको विश्वकपमा सहभागी ३२ टिममध्ये उत्तर कोरियाबारे पश्चिमेली मिडियालाई कम जानकारी थियो । टिम लिग चरणबाटै बाहिरियो र घर फर्केयता गुमनाम जस्तै


भयो । चर्चा के सम्म पनि चल्यो भने खराब प्रदर्शनका कारण टिमका प्रशिक्षकले मृत्युदण्ड पाए । अन्तर्राष्ट्रिय फुटबल महासंघ (फिफा) ले समेत यसबारे चासो देखाउनुपरेको थियो ।


उत्तर कोरिया च्यालेञ्ज कपको डिफेन्डिङ च्याम्पियन पनि हो, प्राविधिक रूपमा अब्बल दर्जाको टिम । छनोटमा उसले शीर्ष स्थान ओगट्नेमा कसैको शंका छैन । बाँकी तीन सहभागी देशको उद्देश्य उत्तर कोरियासामु दरिलो चुनौती पेस गर्ने र समूहमा दोस्रो स्थान प्राप्त गर्नेमात्र हो ।

  • नेपाली टेली सिरिअलहरु (Updated Episodes)
  • Namastesansar Gallery
Klematis
Watch Evergreen Hindi Video Songs
Klematis
Watch Nepali Film Youtbe Songs
Watch Nepali Lok-Dohori Songs
Klematis
Download Hindi Remix Songs
Klematis
Listen & Download Hindi Songs
Download
Download Some Important Software
Watch Online English Movie
Klematis
Watch Online Nepali Movie
  • हिन्दी टेली सिरिअलहरु (Updated Episodes)

Join us on Facebook

By /
Please wait..10 Seconds Cancel