.jpg)
.jpg)
.jpg)
फोरमका सभासद् विश्वनाथप्रसाद (बिपी) यादव र नेपाली जनता दलकी सभासद् गायत्री साहको कूटनीतिक (रातो) पासपोर्ट किनेर इत्तिहाद एयरलाइन्सबाट अस्ट्रेलिया उडेका दुई नेपाली अबुधाबी विमानस्थलबाट फर्काइए, अबुधाबी अध्यागमनले फोटो परिवर्तन गरेको भनेर फर्काए पनि त्रिभुवन अन्तर्राष्ट्रिय विमानस्थलमा नेपाली अध्यागमनले यो विषयमा कुनै सोधखोज गरेन, चार महिनापछि प्रहरीले भने दुबै सभासद्लाई पक्राउ गरेको छ आर्थिक प्रलोभनमा परी आफ्नो कूटनीतिक राहदानी(रातो पासपोर्ट) अरूलाई प्रयोग गर्न दिएको अभियोगमा प्रहरीले दुई सभासद्लाई पक्राउ गरेको छ । मधेसी जनअधिकार फोरमका विश्वनाथप्रसाद...
(बिपी) यादव र नेपाल जनता दलकी सभासद् गायत्री साहलाई प्रहरीले संविधानसभा भवन नयाँबानेश्वरबाट र्फकंदै गर्दा मंगलबार दिउँसो पक्राउ गरेको हो ।
(बिपी) यादव र नेपाल जनता दलकी सभासद् गायत्री साहलाई प्रहरीले संविधानसभा भवन नयाँबानेश्वरबाट र्फकंदै गर्दा मंगलबार दिउँसो पक्राउ गरेको हो ।
प्रारम्भिक अनुसन्धानमा उनीहरूले एक करोड ६० लाख रुपैयाँ लिएर आफ्नो पासपोर्ट अरूलाई प्रयोग गर्न दिएको प्रहरीले जनाएको छ । करिब तीन महिना लामो अनुसन्धानपछि उनीहरूको पासपोर्ट अन्य व्यक्तिले प्रयोग गरेको पुष्टि भएपछि उनीहरूलाई पक्राउ गरिएको केन्द्रीय अनुसन्धान ब्युरोका (सिआइबी) निर्देशक डिआइजी राजेन्द्रसिंह भण्डारीले बताए । देशका कानुन निर्माता सांसद्हरूले कूटनीतिक पासपोर्ट पाउँछन्, जसको उनीहरू सजिलै विदेश भ्रमणमा जान पाउँछन् । कूटनीतिक पासपोर्ट भएपछि भिसाका लागि सजिलो हुनेमात्र होइन, विदेशी अध्यागमनमा पनि चेकजाँचमा सहुलियत हुन्छ । यही फाइदाका लागि दुई सर्वसाधारणले दुई सभासद्को पासपोर्ट भाडामा लिएका थिए ।
यादव र साहको पासपोर्ट लिएर काठमाडौंबाट इत्तिहाद एयरलाइन्समार्फत अबुधाबी हुँदै अस्ट्रेलिया उडेका पृथ्वी छन्त्याल र एक महिला गत १६ जनवरीमा अबुधाबी विमानस्थलबाट फर्काइएका थिए । पासपोर्टमा तस्बिर परिवर्तन गरिएको भेटिएपछि अबुधाबी अध्यागमनले उनीहरू दुबैलाई काठमाडौं फर्काइदिएको थियो ।
सभासद्को पासपोर्ट लिएर अस्टे्रलिया उडेका दुई नेपाली बीचबाटै फर्किएपछि कूटनीतिक पासपोर्ट दुरुपयोग भएको खुलासा भएको थियो । 'त्यहाँ पक्राउ परेका दुबै नेपालीले आफूहरू कूटनीतिक राहदानीबाहक नभएको स्विकारेका रहेछन्,' डिआइजी भण्डारीले पत्रकार सम्मेलनमा भने, 'एक करोड ६० लाख रुपैयाँ तिरेर सभासद्को पासपोर्ट आफूहरूले लिएको उनीहरूले त्यहाँ बताएको खुलेको छ, तर उनीहरू पक्राउ नपरेकाले त्यसको पुष्टि हुन सकेको छैन ।'
प्रहरीले तीन महिनाअघि सभासद् यादवको ०१९८९३ र शाहको ०१९८२७ नम्बरको रातो पासपोर्ट बरामद गरेर अनुसन्धान सुरु गरेको थियो । सभासद्को पासपोर्टमा विदेश गएर हाल फरार रहेका दुई व्यक्तिको बारेमा प्रहरीले विस्तृत जानकारी पाउन सकेको छैन । उनीहरूको खोजी भइरहेको मंगलबार साँझ आयोजित पत्रकार सम्मेलनमा डिआइजी भण्डारीले बताए ।
ल्याबटेस्टलाई नै प्रहरीले पासपोर्ट दुरुपयोगको प्रमुख आधार बनाएको छ । पासपोर्टमा दोस्रो पेजमा हुने फोटो बायोग्राफी, पेज नम्बर ३३ मा उल्लेख गरिएको व्यहोरा, पेज नम्बर ३२ को भिसाको फिगर नमिलेको, १७ र ३७ पेजमा रहेको स्टिकर उप्काइएको ल्याबटेस्टबाट प्रमाणित भएको थियो । पासपोर्टको पहिले र अहिलेको फोटोकपी तथा स्टिकर नमिलेको पनि जनाइएको छ ।
दुईजना सभासद्को पासपोर्ट लिएर एकैपटक दुईजना अस्ट्रेलिया जान लागेकाले रातो पासपोर्टको धन्दामा सक्रिय गिरोहले नै सभासद्बाट पासपोर्ट लिएको प्रहरीको दाबी छ । उक्त गिरोहमा मनोज कार्की र आशिष शेर्पा संलग्न रहेको सिआइबीले जनाएको छ । तर, उनीहरू को हुन् भन्ने प्रहरीले खुलाउन सकेको छैन ।
प्रहरी स्रोतका अनुसार कम्तीमा तीनपटक दुई सभासद्को पासपोर्ट लिएर अन्य व्यक्तिहरू अस्ट्रेलिया गएको देखिन्छ । तर, कसको पासपोर्ट लिएर को गएको भन्ने खुलेको छैन । धेरै रकम तिरेकाले अवैध गतिविधिका लागि नै सभासद्को पासपोर्ट दुरुपयोग भएको प्रहरीको दाबी छ । अबुधाबीबाट फर्काइएका व्यक्तिहरू पक्राउ परेपछि त्यससम्बन्धमा स्पष्ट हुने प्रहरीको भनाइ छ ।
पासपोर्ट दुरुपयोगमा सभासद्द्वयको स्पष्ट मिलेमतो रहेको अनुसन्धानमा संलग्न प्रहरी अधिकारीको दाबी छ । यदि थाहै नपाई आफ्नो पासपोर्टको दुरुपयोग भएको भए उनीहरूले प्रहरीमा उजुरी हाल्नुपथ्र्याे तर पहिलेदेेखि नै घटनालाई लुकाउन लागिपरेकाले पनि मिलेमतोमा नै पासपोर्ट बेचिएको प्रस्ट हुन्छ । घटनाको अनुसन्धान गरिरहेको अख्तियार दुरुपयोग अनुसन्धान आयोगले समेत त्यससम्बन्धमा दुबै सभासद्सँग बयान लिइसकेको थियो । दुबैजनाको पासपोर्टबाट उनीहरूलाई राहदानी ऐन २०२४ को दफा ५ अनुसार र सरकारी छाप किर्ते गरी दुईवटा मुद्दा दायर गरिने डिआइजी भण्डारीले बताए । राहदानी ऐन २०२४ अनुसार आफ्नो पासपोर्ट अरूलाई प्रयोग गर्न दिएमा एक वर्ष कैद र ५ सयसम्म जरिवाना हुने उल्लेख छ ।
स्रोत: नयाँ पत्रीका
स्रोत: नयाँ पत्रीका
Related Posts
अख्तियारद्वारा स्थानीय निकायको गठित दलीय संयन्त्र खारेज
स्थानीय विकास मन्त्रालयले स्थानीय निकाय सञ्चालनका लागि गठित दलीय संयन्त्र खारेज गरेको छ । अख्तियार दुरुपयोग अनुसन्धान आयोगको निर्देशनअनुसार मन्त्रीस्तरीय निर्णयबाट संयन्त्र खारेज भएको हो । स्थानीय विकासमन्त्री टोपबह ... [पुरै पढ्नुहोस् ]
राजधानीमा प्रधानमन्त्री बाबुराम भट्टराईको पुत्ला जलाएकाठमाडौं, ४ चैत । एकीकृत माओवादीका अध्यक्ष पुष्पकमल दाहालका पुत्र प्रकाश दाहाल सम्मिलित टोलीलाई सगरमाथा आरोहण गर्न २ करोड रुपियाँ दिने बिवादास्पद निर्णय गरको बिरोधमा नेपाल विद्यार्थी संघले आज राजधानीमा प्रधानमन्त्री बाब ... [पुरै पढ्नुहोस् ]
नवलपरासीको हात्तीखोरमा असन्तुष्ट पक्षधर लडाकुहरुद्वारा तोडफोडनवलपरासीको चौथो डिभिजन मुख्यालय अन्तरगत नवलपरासीको हात्तीखोरमा असन्तुष्ट पक्षधर लडाकुहरु तोडफोड र आगजनीमा उत्रेका छन् ।शिविरमा रहेका सामग्रीहरु विक्री गरेको हरहिसाव सार्वजनिक गर्नु पर्ने माग राख्दै आन्दोलनमा उत्रिएका अस ... [पुरै पढ्नुहोस् ]
सरकारले व्यवसायीको सम्पत्ति घोषणा गर्न दिने
अषाढ ३१ - सरकारले व्यवसायीको मागबमोजिम सम्पत्ति कर ऐन लागू गरी सम्पत्ति घोषणा गर्न दिने भएको छ । अर्थमन्त्री भरतमोहन अधिकारीले बिहीबार पेस गर्न तयार पारेको बजेटमा यस्तो योजना ल्याउन लागिएको हो ।सम्पत्तिको स्रोत खुलाउ ... [पुरै पढ्नुहोस् ]
जोमसोममा अग्नि एअरको विमान दुर्घटनाग्रस्त, १५ जनाको मृत्युपोखराबाट जोमसोमका लागि उडेको अग्नी एयरको नाइन एन ए आइ जी नम्बरको डोनियर विमान मुस्ताङको जोमसोममा दुर्घटनाग्रस्त भएको छ। दुर्घटनामा परी पन्ध्र जनाको मृत्यु भएको छ। मृत्यु हुनेमा दुई नेपाली र तेह्र जना भारतीय नागरिक रहेको ... [पुरै पढ्नुहोस् ]
अझै पनि पेट्रोलियम पदार्थको सहज आपूर्ती हुन सकेनउपभोक्ताको मागअनुसार पेट्रोलियम पदार्थको सहज आपूर्ती हुननसक्दा बन्द भएका राजधानीका अधिकांश पेट्रोलपम्पहरू अझै सुचारु भएका छैनन् ।मध्यमाञ्चल पेट्रोलियम ढुवानी व्यवसायी सङ्घले बिहीबारदेखि सुरु गरेको अनिश्चितकालीन आन्दोलनल ... [पुरै पढ्नुहोस् ]
Nepalese Rupee Converter
.gif)