NamasteSansar: Online News, Entertainment, Movies, Filmy News, Glamour, Wallpapers N More.: भुवन केसीले आफ्नी गर्लफ्रेन्डलाई सार्वजनिक गरे

म र सुस्मिताबीच केही छैन, हाम्रो वास्तवमै सम्बन्ध-विच्छेद भैसकेको छ भन्ने कुरा सार्वजनिक गर्नैका लागि आफ्नी गर्लफ्रेन्डलाई सञ्चारमाध्यममार्फत नै सार्वजनिक गरेको हुँ। उमेर अझै ढल्किएको छैन, राम्रा युवतीहरूले पछ्याइरहेकै छन्, त्यसकारण यो वर्ष भुवन केसीले फेरि विवाह गर्‍यो भने अचम्म नमान्न आग्रह गर्छु।' गत शुक्रबारको साप्ताहिकमा प्रकाशित 'नयाँ वर्ष नयाँ संकल्प' मा सदाबहार नायक भुवन केसीले गरेका १० वटा संकल्पमध्ये यो पनि एक हो। संजोग कस्तो रह्यो भने, त्यही शुक्रवार साँझ नै नायिका रेजिना उप्रेतीले निर्माण गर्न लागेको चलचित्र 'वरदान' को शुभमुहूर्त समारोहमा भुवनको हात समाउँदै एउटी सुन्दर महिला

हलभित्र प्रवेश गरिन्। भेट भएका अधिकांश चलचित्रकर्मीलाई ती महिलासँग परिचय गराउँदै भुवनले सार्वजनिक रूपमै भने, 'यी मेरी गर्लफ्रेन्ड हुन्।' त्यसो त भुवन र ती महिला कार्यक्रमस्थलमा प्रवेश गरेलगत्तै यो जोडीमाथि प्रायः सबैको नजर परेको थियो। हातमा हात राखेर कार्यक्रमस्थलमा प्रवेश गरेपछि सञ्चारकर्मी मात्र होइन चलचित्रकर्मीहरू पनि दंग परे। भुवनले आफ्नी दोस्री श्रीमती सुस्मितासँग सम्बन्धविच्छेद भएपछि पहिलो पटक यसरी कुनै महिलालाई आफ्नी गर्लफ्रेन्डका रूपमा चिनाएका हुन्।

त्यसअघि सुन्धारास्थित काठमाडौं मलको पहिलो तल्लामा लिफ्ट चढ्ने क्रममा भुवनले साप्ताहिक संवाददातालाई ती महिलासँग परिचय गराउँदै 'उनी मेरी गर्लफ्रेन्ड' भन्न भ्याइसकेका थिए। 'सार्वजनिक नै गर्न लाग्नुभएको हो ?' भन्ने जिज्ञासामा लिफ्टभित्र प्रवेश गरेपछि भुवनले भनेका थिए— 'आज त्यही भएर उनलाई यो कार्यक्रममा ल्याएको। उनी मेरी गर्लफ्रेन्ड हुन् भन्ने कुरा सार्वजनिक गर्ने योभन्दा राम्रो अवसर अरू कुन हुन सक्छ र ?'

रेजिना उप्रेती निर्मात्री बनेको घोषणा हुने उक्त कार्यक्रममा चलचित्र उद्योगका अधिकांश कलाकार त थिए नै, सञ्चारकर्मीको पनि बाक्लो उपस्थिति थियो। कालो रंगको सुटमा ठाँटिएका भुवनको हातमा हात राख्दै कार्यक्रमस्थलमा प्रवेश गर्ने भुवनकी महिलामित्र 'शर्मिला' भने पिंक कलरको सारीमा सजिएकी थिइन्। कार्यक्रमस्थलको अग्रपंक्तिमा भुवन र शर्मिला सँगै बसे। सँगै बसेलगत्तै फोटो पत्रकारहरूले उनीहरूलाई क्यामेरामा कैद गर्न थाले। टेलिभिजनका पत्रकारले त अन्तर्वार्ता नै लिन भ्याए। करिब २० मिनेटपछि कार्यक्रम प्रारम्भ भयो। उद्घोषक बनेका निर्देशक सोभित बस्नेतले भुवनलाई स्टेजमा निम्त्याए। शर्मिला एक्लै भएपछि केही नर्भस देखिइन्। शर्मिलाले लगातार हेरिरहँदा स्टेजमा बसेका भुवन पनि केही लजाएको स्पष्ट देखिन्थ्यो।

शुभमुहूर्त कार्यक्रम सम्पन्न भएपछि पनि भुवन र शर्मिलालाई सञ्चारकर्मी तथा अन्य कलाकारले घेरिरहे। कार्यक्रममा रेजिना उप्रेती तथा निर्देशक सोभित बस्नेत छाउनुपर्नेमा भुवन र शर्मिला छाइरहे। राजेश हमाल, शिव श्रेष्ठ, करिश्मा मानन्धर, रेखा थापा, धीरेन शाक्य आदिले पनि भुवन र उनकी नयाँ महिला मित्रप्रति रुचि देखाए।

वास्तविकता के हो ?

भुवन केसीसँग साप्ताहिकले उनकी महिला मित्रका बारेमा ज्ञिजासा राख्दा भुवनले उनलाई 'भावनात्मक तथा आत्मिय साथी' भन्न रुचाए। ' मेरी दोस्री श्रीमती सुस्मितासँग सम्बन्ध-विच्छेद भएको सात वर्ष भयो, भुवनले विगत खोतल्दै थपे- 'यो अवधिमा कतिपय मान्छेले हाम्रो सम्बन्ध विच्छेद भएको कुरै पत्याएनन्। हामीले ढाँटेको, नयाँ फिल्मको पब्लिसिटीका लागि अनावश्यक हल्ला चलाएको आरोपसमेत लगाए। वास्तविकता के थियो भने हामीले सात वर्षअघि नै सम्बन्धविच्छेद गरिसकेका थियौं। भुवन र सुस्मिताको पहिलो पटक सात वर्षअघि सम्बन्धविच्छेद हुँदा उनीहरूका छोरा अनमोलको उमेर आठ-नौ वर्ष थियो। 'छोराकै कारण हामीले सम्झौता गरेर पुनः सँगै बस्ने निर्णय गरेका थियौं, भुवनले स्पष्ट पारे— 'अहिले त अनमोल पनि १७ वर्षको भैसकको छ, उ सबै कुरा बुझ्ने भैसक्यो। अब मैले तेस्रो विवाह गरें भने पनि उसले खासै आपत्ति जनाउनेछैन।' त्यसबेला छोरा-छोरीको स्कुलको अभिभावक दिवसलगायतका कार्यक्रममा हाम्रो भेट नभएको होइन। सुस्मिता र मेरो भेट हुँदा हामी जहिले पनि औपचारिकता मात्र निर्वाह गर्थ्यौं। अहिले आएर मेरो नयाँ फिल्म 'साथी म तिम्रो' प्रदर्शनको तयारीमा छ। सुस्मितासँगको सम्बन्ध-विच्छेदलाई मैले पुनः भजाउँछु भन्ने आरोप लाग्न थालिसकेको छ। त्यसैले म र सुस्मिताबीच केही छैन, हाम्रो वास्तवमै सम्बन्ध-विच्छेद भैसकेको छ भन्ने कुरा सार्वजनिक गर्नैका लागि आफ्नी गर्लफ्रेन्डलाई सञ्चारमाध्यममार्फत नै सार्वजनिक गरेको हुँ।

नायिका शर्लिन चोपडा विवादास्पद कार्य गरिरहन माहिर छिन् बलिउडमा छाईरख्न नायिका शर्लिन चोपडा विवादास्पद कार्य गरिरहन माहिर छिन्। उनी विभिन्न प्रकारका गतिविधि गर्दै आफूलाई सधैं चर्चामा राख्ने बलिउड नायिकाको भिडमा पहिलो नम्बरमै पर्छिन्। यसै सीलसीलामा यसपाली पनि कामुक दृश्य ... [पुरै पढ्नुहोस् ]
नेपाली चलचित्र ‘तोरी लाहुरे’ फागुन १४ बाट प्रदर्शनमा आउने द्वन्द निर्देशन बाट निर्देशनमा हात हालेका निर्देशक एन बि महर्जनको निर्देशनमा तयार भएको चलचित्र ‘तोरी लाहुरे’ फागुन १४ बाट प्रदर्शनमा आउने भएको छ। नेपाली चलचित्रको नाम राख्दै जाने क्रममा नयाँ नाम हो तोरी लाहुरे नेपाल ... [पुरै पढ्नुहोस् ]
नायिका विनिता घिमिरेलाई जस्तोसुकै दृश्य दिन पनि अप्ठेरो छैन रे विनिता घिमिरेलाई जसरी भए पनि नेपाली फिल्म क्षेत्रको बोल्ड हिरोइन हुनु छ । बोल्ड हिरोइन बन्ने सपना पूरा गर्न विनिताले त्यसको शुरुवात पनि गरिसकेकी छिन् हनिमुन नाइटमा खेलेर । फिल्मको नामले नै थाहा हुन्छ, उनले हिर ... [पुरै पढ्नुहोस् ]
‘बिहे गर्दिन, जीवनसाथी बनाउँछु’-रेखा थापा-मोरङबाट चुनाव लड्ने आफ्नो बोलीका कारण बारम्बार विवादमा पर्ने नायिका रेखा थापा एकिकृत नेकपा माओवादी पार्टीमा प्रवेश गरेपछि झनै चर्चामा छिन् । आलोचना र समर्थनको घेरामा रुमलिरहेकी नायिका थापाले अमेरिकामा रहेका नेपाली भिखारी भएको अभिब्यक्त ... [पुरै पढ्नुहोस् ]
नेपाली चलचित्र ‘चियर्स’फागुन ९ गतेबाट प्रदर्शन आउने पवन गौतमको निर्देशनमा तयार भएको चलचित्र ‘चियर्स’को नयाँ रिलिज मिति घोषणा भएको छ। यसअघि कार्तिक २२ गते रिलिज हुने भनिएको यो चलचित्र फागुन ९ गते प्रदर्शन गरिने निर्माण पक्षले जानकारी दिएको छ। राजधानीमा पत्रकार ... [पुरै पढ्नुहोस् ]
रेखाले गरिन गाँजापान गरेको तस्बिरलाई आफैले मिडियामा सार्वजनिक धुम्रपान गरेको दृश्य मिडियाले गोप्य रुपमा खिचेर सार्वजनिक गर्नु अर्कै कुरा तर गाँजापान गरेको तस्बिरलाई आफैले मिडियामा सार्वजनिक गर्नुलाई तपाई के भन्नु हुन्छ ? हामी त सिधै भन्छौ यो एउटा चर्चामा आउन चाहने सस्तो स्क् ... [पुरै पढ्नुहोस् ]