NamasteSansar: Online News, Entertainment, Movies, Filmy News, Glamour, Wallpapers N More.: मुक्तिनाथ खोलाको बगरका काला ढुंगा-सालीग्राम

मुस्ताङको मुक्तिनाथ मन्दिरमा अहिले दर्शनार्थीहरूको घुइँचो छ । भक्तजनहरूमा भारतीयहरूको संख्या धेरै । सबैले मन्दिरको दर्शन गर्छन्, भेटी चढाउँछन्, भाकल गर्छन् र वर माग्छन् । उनीहरूले यति मात्रै गर्दैनन्, उनीहरूले गर्नैपर्ने अर्को काम पनि छ । आफूसँग लगेको खाली झोलामा कालीगण्डकी नदी र मुक्तिनाथ खोलाको बगरका काला ढुंगा भर्न कसैले छुटाउँदैनन् । किनभने, उनीहरू त्यहाँका सबै काला ढुंगा शालिग्राम हुन् भन्ने ठान्छन् ।केही भक्तजन त यहाँको बगरका काला ढुंगा भ्याएसम्म बटुलेर झोलामा हाल्न पनि पछि पर्दैनन् । बगरभरकिा ढुंगा झोलामा भरेर बोक्नै नसक्ने गरी गह्रँुगो बनाउनेमा भारतीय दर्शनार्थीहरू...

अग्रपंक्तिमा हुन्छन् । बाहिरबाट आएका दर्शनार्थीहरूले ठानेजस्तो त्यहाँका सबै ढुंगा शालिग्राम हुन् त ? मुस्ताङको शालिग्राम युवा क्लबका सल्लाहकार तोप्री गुरुङ भन्छन्, "अधिकांश भक्तजनहरू निकै भ्रममा छन् । तिनीहरूले भनेजस्तो त्यहाँका खोलामा भेटिने सबै ढुंगा शालिग्राम होइनन् ।"

तैपनि यहाँ आइपुगेकाहरू खोलाको बगरै रत्तिाउने गरी ढुंगा बटुल्नमा तँछाडमछाड गर्छन् । उनीहरूको व्यवहार देख्दा लाग्छ, तिनीहरू मुक्ति क्षेत्रको दर्शन गरेर पुण्य कमाउन होइन, हजारौँ खर्च गरेर बगरमा मिल्किएका ढुंगा बटुल्न आएका हुन् । तर, उनीहरूले बुझेजस्तो सबै काला र डल्ले ढुंगा शालिग्ा्राम होइनन् । काला रङका डल्ले ढुंगालाई फुटाउँदा भित्रपट्ट िसेतो चक्र निस्के मात्रै त्यो शालिग्राम हुन्छ ।

शालिग्रामले मुस्ताङ जिल्लालाई संसारमै चिनाएको छ । तर, सक्कली शालिग्राम कुन ठाउँमा पाइन्छ भन्ने धेरैलाई थाहै छैन । खासमा उपल्लो मुस्ताङको सुर्खाङ गाविसमा पर्ने ध्ये गाउँ नजिकै रहेको कालो पहाड नै शालिग्रामको खानी हो । हाल विश्वभरकिा मठ, मन्दिरमा पूजाका लागि सजाइएका तथा काठमाडौँको पशुपति, ठमेल, वसन्तपुर तथा पोखराको लेक साइडमा बिक्रीका लागि राखिएका सक्कली शालिग्रामहरू ध्ये गाउँबाटै ल्याइएका हुन् । यस गाउँका खेतबारीमा पनि शालिग्राम भेटिन्छ । यहाँ एउटा डल्ले ढुंगाको पाँचदेखि ५० रुपियाँसम्म पर्छ ।

मुस्ताङबाहिरका कतिपय ठाउँमा कालीगण्डकी बगरबाट ल्याइएका काला ढुंगालाई कुँदेर नक्कली शालिग्राम बनाएर बिक्री गर्नेको पनि कमी छैन । ध्ये गाउँका पेमाछवाङ गुरुङ भन्छन्, "तीर्थयात्रीका रूपमा आउने गलत मानिसका कारण ध्ये गाउँको पहिचान पनि संकटमा पर्दै गएको छ ।" उनका अनुसार सक्कली शालिग्राम पाइने ठाउँ ध्ये गाउँको नजिकै रहेको कालोमाटे पहाड हो । यस पहाडको दुईतिर सेतो र गेगराने डाँडो छ । त्यसैको शिरदेखि तल ध्ये खोलासम्म जोडिएको कालो पहाड छ । यही कालोमाटे पहाडमा ५० ग्रामदेखि चार किलोसम्म तौल भएका शालिग्राम पाइन्छन् । स्रोत: नेपाल

साउदी अरबको दूतावासले हस्तलिखित राहदानीमा भिसा नलगाउने वैदेशिक रोजगारीका लागि नेपाली कामदारहरूको मुख्य श्रम गन्तव्य साउदी अरबले हस्तलिखित राहदानीमा ‘भिसा स्ट्याम्पिङ’ गर्न अस्वीकार गरेको । अन्तर्राष्ट्रिय नागरिक उड्डयन संगठन (आईकाओ)ले सन् २०१५ को डिसेम्बरसम्म हस्तलिखित ... [पुरै पढ्नुहोस् ]
सर्वसाधारणले न्यायको विकल्प खोज्न वाध्यकानुनी शासन तथा नेपाल प्रहरीको भूमिका सम्बन्धमा गरिएको एक सर्वेक्षणले नेपाल प्रहरीको कमजोर अनुसन्धानका कारण सर्वसाधारणले न्यायको विकल्प खोज्न वाध्य भएको देखाएको छ ।नेपालका २१ जिल्लामा गरिएको अध्ययनपछि तयार पारिएको प्रति ... [पुरै पढ्नुहोस् ]
पुर्वलडाकु शिविरमा भएको अनियमितता सम्बन्धी पार्टीको छानविनभाद्र ७, माओवादी पुर्वलडाकु शिविरमा भएको अनियमितता सम्बन्धी पार्टीको छानविन आयोगले प्रारम्भिक अनुसन्धान सुरु गरेको छ । आयोगको बुधबार बसेको बैठकले सातवटै सिविरबाट प्राप्त खर्च विवरणको प्रारम्भिक अनुसन्धान सुरु गरेको हो । ... [पुरै पढ्नुहोस् ]
सुदुर पूर्वमा पनि अखण्ड कोशी पूर्व प्रदेशको माग सहित आन्दोलन शुरुविगत १८ दिनदेखि अखण्ड सुदुरपश्चिमको माग उठिरहेको बेला सुदुर पूर्वमा पनि अखण्ड कोशी पूर्व प्रदेशको आवाज उठेको छ। कम्तीमा पनि सुनसरी, मोरङ र झापा जिल्लालाई कुनै पनि हालतमा टुक्राउन नदिने भन्दै विभिन्न राजनीतिक दलका नेताहर ... [पुरै पढ्नुहोस् ]
पूर्वराजा ज्ञानेन्द्रको सुरक्षार्थ खटिएका नेपाली सेनाको टोली फिर्तानेपाली सेनाको सुरक्षा घेरामा रहँदै आउनुभएका पूर्वराजा ज्ञानेन्द्रको सुरक्षार्थ खटिएको नेपाली सेनाको टोलीलाई फिर्ता बोलाइएको छ । सरकारले छ महिनअघि गरेको निर्णयलाई कार्यान्वयन गर्दै अस्ति बिहीबारदेखि नेपाली सेनाको टोलीलाई ... [पुरै पढ्नुहोस् ]
विद्यार्थीहरु भर्ना हुनै नआएपछि दुई दर्जन सामुदायिक विद्यालय बन्द काठमाडौं, १० पुस । विद्यार्थी भर्ना हुनै नआएपछि उपत्यकाका दुई दर्जन सामुदायिक विद्यालय बन्द भएका छन् । काठमाण्डौंमा १४, भक्तपुरमा ६ र ललितपुरमा चार स्कुलमा विद्यार्थी नै नभएपछि बन्द भएका हुन् । विद्यार्थी शुन्य भएप ... [पुरै पढ्नुहोस् ]