NamasteSansar: Online News, Entertainment, Movies, Filmy News, Glamour, Wallpapers N More.: नेपाल टेलिकमले पनि आक्रामक शैलीमै आफ्नो सेवा प्रवर्द्धन गर्ने

कुनै गाविसमा आधारभूत टेलिफोन सेवा तथा मोबाइल नेटवर्क पुगेको छैन भने नेपाल टेलिकमलाई खबर गरे हुन्छ। ७५ जिल्ला र मुलुकका सबै गाविसमा नेटवर्क विस्तार गरिसकेको बताउने नेपाल टेलिकम यतिबेला कुनै गाविसमा आफ्नो सेवा पुगेको छैन कि भनेर अध्ययनमा जुटेको छ। यतिखेर नेपाल टेलिकम पनि आक्रामक शैलीमै आफ्नो सेवा प्रवर्द्धन गर्ने योजनामा जुटिसकेको छ। 'सहज रूपमा सबै उपभोक्तालाई सिम उपलब्ध गराउन हामीले १ करोड लाइन क्षमताको जिएसएम मोबाइलको पूर्वाधार तयार गर्न लागेको छौं,' थिकेले भने- '१ करोड जिएसएम मोबाइलमा पनि वायरलेस ब्रोडब्यान्ड सुविधासहित हाइ इन्टरनेट स्पीड...

सर्भिस दिने टेलिकमको लक्ष्य छ।' नेपाल टेलिकमले नयाँ कार्यक्रमका साथ ल्याउन लागेको यो जिएसएम प्रविधि पुरानो जस्तो नभई अत्याधुनिक हुने उनको भनाइ थियो। आगामी दुई वर्षभित्र यो सेवा सर्वसाधारणमाझ लोकपि्रय हुने टे लिकमको अनुमान छ।

यो वर्षको अन्त्यसम्ममा १८ लाख जिएसएम मोबाइल फोन वितरण गर्ने लक्ष्य लिएको नेपाल टेलिकमले हालसम्म १० लाख लाईन बिक्री गरिसकेको छ, थिकेका अनुसार अब यो आर्थिक वर्षको अन्त्यसम्ममा लक्ष्य बराबरको ८ लाख लाइन वितरण गरिनेछ। दूरसञ्चार सेवाको क्षेत्रमा स्थापनादेखि नै मनोपोली बिजनेस गर्न सफल नेपाल टेलिकम अहिले पनि टेलिफोन सेवाप्रदायकका रूपमा आफू नै अगाडि रहेको बताउँछ। प्रवक्ता थिके भन्छन्- 'हाम्रो ग्राहक संख्या ६५ लाख छ, यसकारण नेपाल टेलिकम अहिले पनि दूरसञ्चार सेवामा अग्रस्थानमै छ।' एनसेलले मूलूकभर एउटै शूल्क लगाएपछि टेलिकमले पनि उच्च दरमा जीएसएम मोबाइलको शूल्कमा कटौती गरेको थियो, तर बजार प्रवर्द्धनमा प्रभावकारी रूपमा आउन नसकेको टेलिकमले अब भने उपभोक्ताको मागअनुसार उच्चस्तरको सेवालाई ध्यान दिएर अघि बढ्ने बताएको छ।

'संख्याले जितेर मात्र हुदैन,' उनले भने- 'सेवा उपभोगकर्ताको हिसाबले पनि टेलिकम अगाडि नै छ।' थिकेका अनुसार नेपाल टेलिकमले जिएसएम मात्र नभै आधारभूत टेलिफोन, सिडिएमए, थि्रजी आदि सर्भिसको क्षेत्रमा काम गर्नुपर्ने भएकाले सबै क्षेत्रमा लिडरसिप रहने गरी काम गर्दै आएको छ। टेलिकमले आफ्नो सेवालाई व्यापक रूपमा विस्तार गर्दै सबै प्रविधिमा काम गर्ने योजना बनाएको छ।

नेपाल टेलिकमले अब २० लाख लाइन आइपि (इन्टरनेट प्रोटोकल) सिडिएमए फोन पनि विस्तार गर्ने भएको छ। नयाँ प्रविधिको आइपी सिडिएमए हाई डेटा ट्रान्सफरका निम्ति पनि उपयोग गर्न सकिनेछ। आइपी सिडिएमएस अहिलेको दूरसञ्चार प्रविधिमा सबैभन्दा नयाँ प्रविधि हो, यो सेवाका लागि काम सुरु भैसकेको छ। यस्तै नेक्स्ट जेनेरेसन शीर्षकमा करिब १ लाख ५० हजार आधारभूत (ल्यान्डलाइन) टेलिफोन सेवा पनि विस्तार गरिनेछ। नेटवर्क, भ्वाइस, डेटा र भिडियो सर्भिस रहने यो आधारभूत टेलिफोन सेवा पनि एड्भान्स टेक्नोलोजीमा आधारित रहनेछ। टेलिकमले एडिएसएल विस्तारमा पनि उत्तिकै महत्वका साथ कार्यक्रम ल्याउने भएको छ।

ग्राहकको मागबमोजिम भ्यालु एडेड सर्भिसका रुपमा मोबाइल बैंकिङ, मोबाइल न्युज, सिआरबिटी आदि सर्भिसलाई अझ बढि प्रयोगमुखी बनाउने तथा अन्य भ्यालु एडेड सर्भिसहरू पनि थप्दै लाने टेलिकमले बताएको छ। प्रवक्ता थिकेका अनुसार नेपाल टेलिकमको सेवाको गुणस्तरलाई एकरूपता दिँदै अझ सुधार गर्न टेलिकमले विशेष ध्यान दिने भएको छ। ' औसतमा हाम्रो सेवाको गुणस्तर सन्तोषजनक नै छ' उनले भने- 'तर ग्राहकको गुनासोलाई मध्यनजर गरेर राम्रो सेवा दिन नसकिरहेका क्षे त्रमा टावर थप गरी अझ गुणस्तरीय सेवा दिनेछौं।'

नेटवर्क नपुगेको स्थानमा नयाँ टावर तथा सेवा ग्राहीको चाप रहने स्थानमा थप टावर राखी नेटवर्क मजबुत बनाउने जस्ता काम टेलिकमले गर्ने थिकेले बताए। सहरी क्षेत्रमा मोबाइल प्रयोगकर्ताको संख्या स्थिर हुँदै गएकाले अबका दिनमा सहरोन्मुख गाविस र ग्रामीण क्षेत्रलाई लक्षित गरेर टेलिकमले आफ्नो सेवा विस्तार गर्ने भएको छ। 'सहरमा टेलिकमका सेवा प्रयोग गर्नेहरूको संख्या अब स्थिर हुने बाटोमा छ,' उनले भने- 'प्रतिस्पर्धाका साथै अब मुलुकका सबै जनतालाई सेवा दिने हाम्रो लक्ष्य छ।'

टेलिकमले महत्वाकांक्षी योजनाका साथ ल्याएको थि्रजी सर्भिसलाई पनि अझै प्रवर्द्धन गर्नेछ। थि्रजी सेवालाई अझै विस्तार गर्दै चाँडै आधुनिक फोरजि प्रविधि पनि भित्र्याउने थिकेले बताए। 'ग्राहकलाई मुख्य केन्दबिन्दु बनाएर टेलिकमले आफ्ना सबै सेवाहरूलाई सहजै आपूर्ति गर्नेछ' उनले भने- 'उपभोक्ताको सहज पहुँचका लागि टेलिकमले टेलिफोन सेवा शुल्कमा अझै सहुलियत दिनेछ।' महसुल समय सापेक्ष घटाउँदै आएको बताउने टेलिकमले अबका दिनमा पनि अझै शुल्क घटाउने उनले बताए। स्रोत: साप्ताहिक

एक वर्षको अवधिमा डाटा सेवा प्रयोगकर्तामा ७ प्रतिशतले वृद्धि ११ साउन- दूरसञ्चार क्षेत्रमा भएको विकास र बजार बिस्तारसँगै डाटा सेवा लिने ग्राहकको संख्या एक वर्षको अवधिमा दोब्बर बढेको छ । अघिल्लो वर्षको असार मसान्तमा ४ प्रतिशतमा सीमित रहेको डाटा सेवा एक वर्षपछि गत असारमा ११ प् ... [पुरै पढ्नुहोस् ]
विश्व सर्च इन्जिन गुगलले ‘टिन एज’मा प्रवेश गर्‍यो ११ असोज-विश्वको सर्वाधित चलनचल्तीको सर्च इन्जिन गुगल मंगलबार ‘टिन एज’मा प्रवेश गरेको छ । १३ औं वर्ष प्रवेशको उत्सव मनाउँदै गरेको गुगलले आफ्नो होमपेजमै जन्मदिनको ‘डुडल’ राखेको छ ।ल्यारी पेज र सर्जे ब्रिनले चार वटा कम ... [पुरै पढ्नुहोस् ]
एप्पल इंकले विश्व प्रसिद्ध नोकिया कम्पनीलाई पनि जित्यो १५ साउन-चालू वर्षको दोस्रो त्रैमासमा विश्वव्यापी मोबाइल फोन बजार ११.३ प्रतिशतले विस्तार भएसँगै प्रसिद्ध प्रविधि कम्पनी एप्पल इंकले विश्वकै सबैभन्दा ठूलो मोबाइलफोन निर्माता कम्पनी नोकियालाई स्मार्टफोन बिक्रीका आधारमा ... [पुरै पढ्नुहोस् ]
आईएनजीओले नेपालमा साढे ३ अर्ब खर्चिने २१ साउन-विभिन्न अन्तर्राष्ट्रिय गैरसरकारी संस्था (आईएनजीओ) हरूले चालू आर्थिक वर्षमा ३ अर्ब ५७ करोड ६२ लाख रुपैयाँभन्दा बढी रकम खर्च गर्ने भएका छन् ।अर्थमन्त्रालयले हालै सार्वजनिक गरेको प्राविधिक तथा अन्य सहायता विवर ... [पुरै पढ्नुहोस् ]
बहुराष्ट्रिय कम्पनी टेलिया सोनेरा एनसेलसँग ‘सन्तुष्ट’ नेपालको दूरसञ्चार क्षेत्रमा एनसेलले हासिल गरेको प्रगतिप्रति बहुराष्ट्रिय कम्पनी टेलिया सोनेराले सन्तुष्टि जनाएको छ । आफूसँग आबद्ध युरोप तथा एसियाली मुलुकमा भन्दा नेपालमा यसको विस्तार र विकास अगाडि रहेको उसले बताएको ... [पुरै पढ्नुहोस् ]
जापानमा बिश्वकै सबैभन्दा छिटो गतिमा चल्ने बिद्युतिय लिफ्ट टोकियो – जापानको प्रमुख ब्यवसायिक समुहहरु मध्यको एक मित्सुबिसी समुहको मित्सुबिसी इलेक्ट्रिक कर्पोरेशनले बिश्वकै सबैभन्दा छिटो गतिमा चल्ने बिद्युतिय भर्‍याङ (लिफ्ट) को निर्माण गर्ने भएको छ । उसले उक्त लिफ्ट चीनको सां ... [पुरै पढ्नुहोस् ]