.jpg)
एमाले केन्द्रीय सचिवालयले पार्टी नेताहरूको जिम्मेवारी हेरफेरको प्रस्ताव तयार गरेको छ । पार्टी स्थायी समिति बैठकमा प्रस्तुत गर्न तयार गरिएको प्रस्तावमा सरकारमा गएका नेताहरूले पार्टीमा सम्हालेका जिम्मेवारी हेरफेर हुन लागेको हो । केन्द्रीय कमिटीको शुक्रबार सम्पन्न नवौं बैठकले कार्य विभाजनसम्बन्धी निर्णय गर्ने जिम्मेवारी स्थायी समितिलाई दिएको थियो । सोमबार बसेको स्थायी समिति बैठकमा कार्यविभाजनको एजेन्डामा छलफल गरिने भनिए पनि विषय प्रवेशै नगरी बैठक स्थगित गरिएको छ । पार्टीका वरिष्ठ नेता माधवकुमार नेपाल मुलुकबाहिर रहेको कारण देखाउँदै बुधबार बस्नेगरी बैठक स्थगित गरिएको हो...
स्रोतका अनुसार सचिवालयले तयार गरेको प्रस्तावमा काठमाडौं उपत्यका इन्चार्जमा प्रचारविभाग प्रमुख प्रदीप ज्ञवाली वा सुरेन्द्र पाण्डेमध्ये एकलाई ल्याउने उल्लेख छ । तर, प्रचारको नेतृत्व सम्हालेका ज्ञवालीले उपत्यकामा जान अस्वीकार गरेको स्रोतको भनाइ छ । हाल केन्द्रीय सदस्य राजेन्द्र श्रेष्ठ उपत्यका इन्चार्ज रहेका छन् । यस्तै विद्यार्थी इन्चार्ज गोकर्ण विष्ट ऊर्जामन्त्री रहेकाले उनको जिम्मेवारी केन्द्रीय सदस्य भानुभक्त ढकाललाई दिने प्रस्ताव गरिएको छ भने युवा इन्चार्जमा योगेश भट्टराईको नाम अघि सारिएको छ । ढकाल केन्द्रीय सम्पर्क समन्वय कमिटी र भट्टराई उपत्यका सहइन्चार्ज रहँदै आएका छन् ।
स्रोतका अनुसार सचिवालयले तयार गरेको प्रस्तावमा काठमाडौं उपत्यका इन्चार्जमा प्रचारविभाग प्रमुख प्रदीप ज्ञवाली वा सुरेन्द्र पाण्डेमध्ये एकलाई ल्याउने उल्लेख छ । तर, प्रचारको नेतृत्व सम्हालेका ज्ञवालीले उपत्यकामा जान अस्वीकार गरेको स्रोतको भनाइ छ । हाल केन्द्रीय सदस्य राजेन्द्र श्रेष्ठ उपत्यका इन्चार्ज रहेका छन् । यस्तै विद्यार्थी इन्चार्ज गोकर्ण विष्ट ऊर्जामन्त्री रहेकाले उनको जिम्मेवारी केन्द्रीय सदस्य भानुभक्त ढकाललाई दिने प्रस्ताव गरिएको छ भने युवा इन्चार्जमा योगेश भट्टराईको नाम अघि सारिएको छ । ढकाल केन्द्रीय सम्पर्क समन्वय कमिटी र भट्टराई उपत्यका सहइन्चार्ज रहँदै आएका छन् ।
यस्तै सचिवालयले तयार गरेको प्रस्तावमा सेती अन्चल इन्चार्जमा केन्द्रीय सदस्य कर्णबहादुर थापा र राप्ती अन्चल ईन्चार्जमा गोकुल घर्तीको नाम प्रस्तावित गरिएको स्रोतले बताएको छ । सेती इन्चार्ज रहेका भानुभक्त जोशी वनमन्त्री र राप्ती अन्चल इन्चार्ज रहेका प्रकाश ज्वाला प्रधानमन्त्रीको राजनीतिक सल्लाहकार रहेकाले थापा र घर्तीको प्रस्ताव एमालेले अघि सार्न लागेको हो । यस्तै जनकपुर इन्चार्जमा रामचन्द्र झाको सट्टा केशव देवकोटालाई ल्याउने प्रस्ताव तयार भएको स्रोतको दाबी छ । बुधबार बस्ने स्थायी समिति बैठकले कार्यविभाजनसम्बन्धी सचिवालयको प्रस्तावमाथि छलफल गर्नेछ ।
सोमबार बसेको स्थायी समिति बैठकमा असार १६, १७ र १८ गते बोलाइएको केन्द्रीय कमिटीको विशेष समीक्षा बैठकका एजेन्डाबारे पनि छलफल भएको थियो । पार्टीका आन्तरिक समस्यालगायत विषयमा छलफल गर्न पार्टी केन्द्रीय कमिटीको समीक्षा बैठक १६ असारका लागि बोलाउने निर्णय शुक्रबारको केन्द्रीय कमिटी बैठकले गरेको थियो ।
महाधिवेशनपछिको पार्टी काम, व्यवस्थापिका संसद्को काम र एमाले नेतृत्वमा बनेका दुवै सरकारका कामको असारमा बोलाइएको विशेष बैठकले समीक्षा गर्ने भएको छ । यस्तै पार्टीका आन्तरिक समस्याको समीक्षा र समाधानका विषयमा पनि विशेष बैठकले छलफल गर्नेछ ।
'विशेष बैठकमा पार्टी काम, संसद्को काम, र सरकारका कामका विषयमा छलफल गर्ने सहमति भएको छ,' स्थायी समितिको बैठकपछि सचिव शंकर पोखरेलले भने, 'पार्टीका आन्तरिक समस्याका विषयमा पनि विशेष बैठकमा छलफल गर्ने कार्यसूची बनेको छ ।'सोमबार बसेको स्थायी समिति बैठक कार्यविभाजनको निर्धारित एजेन्डामा प्रवेश नगरेपछि विशेष बैठकका प्रस्तावबारे नेताहरूले अनौपचारिक छलफल गरेका थिए । स्रोत: नयाँ पत्रीका
Related Posts
शैक्षिक सत्रमा निजी विद्यालयले शुल्क बढाउन नपाउने
४ भदौ-शिक्षा मन्त्रालयले गठन गरेको शुल्क निर्धारण समितिले चालू शैक्षिक सत्रमा विद्यार्थीको शुल्क वृद्धि गर्न नपाउने निर्णय गरेको छ । निजी विद्यालय सञ्चालकले शिक्षकको तलब वृद्धि गर्नुपर्ने बाध्यता रहेको जनाउँदै अध्यय ... [पुरै पढ्नुहोस् ]
पुर्वलडाकु शिविरमा भएको अनियमितता सम्बन्धी पार्टीको छानविनभाद्र ७, माओवादी पुर्वलडाकु शिविरमा भएको अनियमितता सम्बन्धी पार्टीको छानविन आयोगले प्रारम्भिक अनुसन्धान सुरु गरेको छ । आयोगको बुधबार बसेको बैठकले सातवटै सिविरबाट प्राप्त खर्च विवरणको प्रारम्भिक अनुसन्धान सुरु गरेको हो । ... [पुरै पढ्नुहोस् ]
विद्यार्थीहरु भर्ना हुनै नआएपछि दुई दर्जन सामुदायिक विद्यालय बन्द
काठमाडौं, १० पुस । विद्यार्थी भर्ना हुनै नआएपछि उपत्यकाका दुई दर्जन सामुदायिक विद्यालय बन्द भएका छन् । काठमाण्डौंमा १४, भक्तपुरमा ६ र ललितपुरमा चार स्कुलमा विद्यार्थी नै नभएपछि बन्द भएका हुन् ।
विद्यार्थी शुन्य भएप ... [पुरै पढ्नुहोस् ]
जाजरकोट खलंगाको वडा नम्बर ८ ले पायो १० करोड
श्रावण ३ - एउटा वडाले वर्षमा कति बजेट पाउला ? जाजरकोट खलंगाको वडा नम्बर ८ भने यस्तो भाग्यमानी परेको छ जसले गत आर्थिक वर्ष १० करोड रुपैयाँको विकास पाएको छ ।द्वन्द्वकालमा जर्जर भएका खलंगा-८ का पीपे, मैदे र रिम्ना गाउँम ... [पुरै पढ्नुहोस् ]
विद्युत् महसुल निर्धारण आयोगले १९ प्रतिशतसम्म महसुल बढाउने
विद्युत् महसुल निर्धारण आयोगले १९ प्रतिशतसम्म महसुल बढाउने तयारी गरेको छ । यो वृद्धि नेपाल विद्युत् प्राधिकरणले प्रस्ताव गरेको भन्दा ११ प्रतिशतले कम हो । प्राधिकरणले ३० प्रतिशत बढाउन आयोगमा प्रस्ताव गरेको थियो ।आगाम ... [पुरै पढ्नुहोस् ]
अझै पनि पेट्रोलियम पदार्थको सहज आपूर्ती हुन सकेनउपभोक्ताको मागअनुसार पेट्रोलियम पदार्थको सहज आपूर्ती हुननसक्दा बन्द भएका राजधानीका अधिकांश पेट्रोलपम्पहरू अझै सुचारु भएका छैनन् ।मध्यमाञ्चल पेट्रोलियम ढुवानी व्यवसायी सङ्घले बिहीबारदेखि सुरु गरेको अनिश्चितकालीन आन्दोलनल ... [पुरै पढ्नुहोस् ]
Nepalese Rupee Converter
.gif)