.jpg)
गृह मन्त्रालयले तारे होटलमा सञ्चालन हुने जुवाघर (क्यासिनो) मा जाने नेपालीलाई कडा सजाय गर्ने गरी जुवासम्बद्ध कानुनको मस्यौदा तयार पारेको छ । गृहले जुवा ऐन, २०२० लाई खारेज गर्न मस्यौदा गरेको 'जुवा वा सट्टाबाजी खेल्ने वा खेलाउने कार्यलाई नियन्त्रण गर्न विधेयक' मा जुवा खेल्नेलाई बिगोबमोजिम जरिवाना र एक वर्षसम्मको कैद सजाय गर्न सकिने प्रावधान राखिएको छ । बिगो नखुलेको अवस्थामा ५० हजार रुपैयाँ जरिवाना हुने मस्यौदामा उल्लेख छ ।यसअघि क्यासिनोमा पक्राउ परेका नेपाली १ सय रुपैयाँ जरिवाना तिरेर छुट्दै आएका थिए । जुवा ऐनमा २०२० मा जुवाडेलाई यही सजाय थियो । पाँच दशक.पुग्न लागेको...
ऐनलाई समसामयिक संशोधन गरी सजाय कडा बनाउन लेखा समितिले गृहलाई निर्देशन दिएको थियो । 'नरम सजायको कारण जुवा खेल्ने, अवैध जुवा सञ्चालन गर्ने प्रवृत्ति प्रोत्साहित भएकाले सजाय कडा बनाइएको हो,' गृहसम्बद्ध स्रोतले भन्यो । क्यासिनोमा नेपाली प्रवेश गर्न नपाउने मस्यौदामा उल्लेख छ ।
ऐनलाई समसामयिक संशोधन गरी सजाय कडा बनाउन लेखा समितिले गृहलाई निर्देशन दिएको थियो । 'नरम सजायको कारण जुवा खेल्ने, अवैध जुवा सञ्चालन गर्ने प्रवृत्ति प्रोत्साहित भएकाले सजाय कडा बनाइएको हो,' गृहसम्बद्ध स्रोतले भन्यो । क्यासिनोमा नेपाली प्रवेश गर्न नपाउने मस्यौदामा उल्लेख छ ।
गृहले सल्लाह नगरी मस्यौदा तयार पारेको भन्दै पर्यटन मन्त्रालय असन्तोष व्यक्त गरेको छ । क्यासिनो पर्यटकीय गतिविधिमा पर्ने भएकाले यससम्बन्धी कुनै पनि निर्णय गर्दा पर्यटनसँग समन्वय गर्नुपर्ने पर्यटन कानुन महाशाखाका रञ्जनकृष्ण अर्यालले बताए । 'थाहै नदिई कानुन मन्त्रालयमा पुर्याइएछ,' उनले भने । कानुन मन्त्रालयबाट मस्यौदा फिर्ता आएपछि आवश्यक लागे पर्यटनको राय मागिने गृह प्रवक्ता सुधीरकुमार शाहले बताए । पर्यटनले सर्तसहित नेपाली नागरिकको प्रवेश खुला गर्ने गरी क्यासिनो सञ्चालनसम्बन्धी कार्यविधि बनाउन प्रयास गरिरहेको छ । तर जुवासम्बद्ध ऐनमा नेपालीको प्रवेश निषेध भए कार्यविधिको यस्तो प्रावधान प्रभावकारी हुन्न । कुनै सार्वजनिक महोत्सव, मेला, प्रदर्शनी आदिमा मनोरञ्जनका लागि कुनै सानोतिनो चल सम्पत्ति पाउने वा गुमाउने गरी सरकारको स्वीकृति लिई सञ्चालन गर्न सकिने व्यवस्था छ । मेलापातमा जुवा नियन्त्रण गर्ने नाममा प्रहरीले लाभ खोज्दा विवाद झडप हुने गरेकाले यस्तो प्रावधान थपिएको सम्बद्ध स्रोतले जनाएको छ ।
संशोधित मस्यौदामा जुवा खेल्न कुनै साधन वा सम्पत्ति राख्न नपाउने, च्याँखे थाप्न नपाउने, सट्टाबाजी गर्न नपाउने, त्यसका लागि अरूले सहयोग गर्न नपाउने व्यवस्था गरेको छ । पटके कसुर गर्नेलाई प्रत्येकपटक एक/एक महिनाका दरले थप कैद सजाय हुने व्यवस्था पनि संशोधित मस्यौदामा छ । यस्तै सरकारी वा सार्वजनिक लाभको पदमा रहेको व्यक्ति जुवा वा सट्टाबाजीमा संलग्न भएको प्रमाणित भए अन्य व्यक्तिलाई हुने सजायमा एक महिनाका दरले थप कैद सजाय हुनेछ । ऐनअनुसार कसुर गर्न प्रयोग भएका वा प्रयोजनका लागि राखिएका तथा जुवाबाट आर्जित सम्पूर्ण चल/अचल सम्पत्ति सरकारले जफत गर्न सक्छ ।
यस्तै सञ्चालित जुवाघरले संशोधित ऐन जारी भएपछि ऐनअनुसार ६ महिनाभित्र इजाजत नवीकरण गर्नुपर्नेछ । क्यासिनो इजाजतको अवधि जतिसुकै बाँकी रहे पनि आर्थिक वर्ष समाप्त हुनासाथ एक वर्ष पूरा भएको मानिने मस्यौदामा उल्लेख छ । ऐनअन्तर्गत इजाजतपत्रको अवधि बढीमा पाँच वर्षको हुनेछ । सञ्चालकले अवधि पूरा हुनु एक महिनाअगाडि नै नवीकरण गराउनुपर्नेछ । ऐनले कसुर ठहर्याएका गतिविधि गरे ६ महिनाका लागि इजाजतपत्र रद्द गर्न सकिने व्यवस्थासमेत गरेको छ । कारबाहीमा चित्त नबुझ्ने सञ्चालकलाई पैंतालीस दिनभित्र पुनरावेदन अदालतमा जान सक्ने अधिकार दिइएको छ । स्रोत: कान्तिपुर
Related Posts
लागूऔषध गिरोहविरुद्ध प्रहरीको सक्रियताप्रहरी प्रधान कार्यालयले १४ पुसमा भूमिगत अपराधको गढ भनिने बाँकेको जयसपुर क्षेत्रमा थालिएको लागूऔषध गिरोहविरुद्धको 'अपरेसन जुलियट' रोक्यो। दुई सय महिला प्रहरीसहित नेपाल प्रहरी र सशस्त्र प्रहरी बलका करबि १ हजार ५ सय सुरक् ... [पुरै पढ्नुहोस् ]
एमाओवादीले सबै निर्वाचन क्षेत्रमा भण्डाफोर अभियान सचांलन गर्ने
एमाओवादीले आफ्नो पार्टीलाई हराउन संस्थागत र संरचनागत रुपमै धाँधली भएको निष्कर्षसहित २४० वटै निर्वाचन क्षेत्रमा भण्डाफोर अभियान संचालन गर्ने भएको छ । पुर्वपोलिट्व्युरो सदस्य,राज्यसमिति इन्चार्ज तथा संयोजकहरुको दुई दि ... [पुरै पढ्नुहोस् ]
शैक्षिक सत्रमा निजी विद्यालयले शुल्क बढाउन नपाउने
४ भदौ-शिक्षा मन्त्रालयले गठन गरेको शुल्क निर्धारण समितिले चालू शैक्षिक सत्रमा विद्यार्थीको शुल्क वृद्धि गर्न नपाउने निर्णय गरेको छ । निजी विद्यालय सञ्चालकले शिक्षकको तलब वृद्धि गर्नुपर्ने बाध्यता रहेको जनाउँदै अध्यय ... [पुरै पढ्नुहोस् ]
सुदुर पूर्वमा पनि अखण्ड कोशी पूर्व प्रदेशको माग सहित आन्दोलन शुरुविगत १८ दिनदेखि अखण्ड सुदुरपश्चिमको माग उठिरहेको बेला सुदुर पूर्वमा पनि अखण्ड कोशी पूर्व प्रदेशको आवाज उठेको छ। कम्तीमा पनि सुनसरी, मोरङ र झापा जिल्लालाई कुनै पनि हालतमा टुक्राउन नदिने भन्दै विभिन्न राजनीतिक दलका नेताहर ... [पुरै पढ्नुहोस् ]
जोमसोममा अग्नि एअरको विमान दुर्घटनाग्रस्त, १५ जनाको मृत्युपोखराबाट जोमसोमका लागि उडेको अग्नी एयरको नाइन एन ए आइ जी नम्बरको डोनियर विमान मुस्ताङको जोमसोममा दुर्घटनाग्रस्त भएको छ। दुर्घटनामा परी पन्ध्र जनाको मृत्यु भएको छ। मृत्यु हुनेमा दुई नेपाली र तेह्र जना भारतीय नागरिक रहेको ... [पुरै पढ्नुहोस् ]
नवलपरासीको हात्तीखोरमा असन्तुष्ट पक्षधर लडाकुहरुद्वारा तोडफोडनवलपरासीको चौथो डिभिजन मुख्यालय अन्तरगत नवलपरासीको हात्तीखोरमा असन्तुष्ट पक्षधर लडाकुहरु तोडफोड र आगजनीमा उत्रेका छन् ।शिविरमा रहेका सामग्रीहरु विक्री गरेको हरहिसाव सार्वजनिक गर्नु पर्ने माग राख्दै आन्दोलनमा उत्रिएका अस ... [पुरै पढ्नुहोस् ]
Nepalese Rupee Converter
.gif)