NamasteSansar: Online News, Entertainment, Movies, Filmy News, Glamour, Wallpapers N More.: अब देखी साईबर क्याफे छिर्न पनि परिचय पत्र बोक्नुपर्ने

जेष्ठ ३१ - इन्टरनेट चलाउन साइबर क्याफे वा सूचना केन्द्र जाने गर्नुहुन्छ ? त्यस्तो हो भने अबदेखि आफ्नो परिचयपत्र बोक्न नभुल्नु होला । नत्र तपाईं इन्टरनेट चलाउन पाउनु हुनेछैन । नियामक निकाय दूरसञ्चार प्राधिकरणले तीन महिनाभित्र साइबर क्याफे वा सूचना केन्द्रलाई ग्राहकको परिचयपत्र हेरेर मात्र चलाउन दिन पाउने व्यवस्था गरेको छ । परिचयपत्र हेर्न र ग्राहकको सम्पूर्ण जानकारी राख्ने व्यवस्था लागू गर्न प्राधिकरणले इन्टरनेट सेवा प्रदायकलाई निर्देशन दिएको छ । 'साइबर क्याफे व्यवस्थापन गर्न ल्याइएको यो प्रावधानपछि यसअघि सेवा प्रदायक र साइबर क्याफेबीच जस्तोसुकै सम्झौता भए पनि त्यो खारेज भई नयाँ...

व्यवस्था लागू हुनेछ,' प्राधिकरणका प्रवक्ता कैलाशप्रसाद न्यौपानेले भने ।उनका अनुसार क्याफे जानेले नागरिकता, सवारी चालक अनुमतिपत्र वा विद्यार्थी परिचयपत्र देखाउनु पर्नेछ । परिचयपत्रका आधारमा क्याफेले इन्टरनेट चलाउने ग्राहकको विवरण राख्नु पर्नेछ । विदेशी नागरिकले साइबर क्याफेबाट इन्टरनेट चलाउन पासपोर्ट देखाउनुपर्ने उनले बताए ।

'तीन महिनाभित्र यो व्यवस्था लागू गरिसक्नुपर्छ,' न्यौपानेले भने, 'त्यसभित्र पनि परिचयपत्र र ग्राहकको सम्पूर्ण लगत राख्ने व्यवस्था लागू नगरी क्याफे तथा केन्द्रले सेवा दिएको पाए कारबाही हुनेछ ।' साइबर क्याफेबाट धेरै आपराधिक घटना हुने गरेको तर अपराधी पत्ता लगाउन कठिन भएकाले यो व्यवस्था गरिएको उनले बताए ।

परिचयपत्र हेरेपछि त्यस आधारमा ग्राहकको सम्पूर्ण व्यक्तिगत जानकारी राख्नुपर्छ । 'व्यक्तिगत जानकारी साथै कुन समयमा साइबरमा पसेको, कति समय इन्टरनेट चलायो र कुन कम्प्युटरबाट चलाएको हो सम्पूर्ण विवरण राख्नुपर्छ,' उनले भने, 'साइबरबाट आपराधिक क्रियाकलाप बढेकाले यस्तो व्यवस्था गरेका हौं ।'

प्राधिकरणले यसरी राखिने ग्राहकको विवरण गोप्य हुनुपर्ने बताएको छ ।

'सुरक्षा निकायले माग गरेको अवस्थामा मात्र ग्राहकको विवरण उपलब्ध गराउनुपर्छ,' उनले भने, 'अन्य बेलामा यो गोप्य हुनुपर्छ ।' तीनवटा सुरक्षा निकाय, गृह मन्त्रालय र सञ्चार मन्त्रालयका प्रतिनिधिबीच पटक-पटक भएको छलफलपछि साइबर र प्रविधिको माध्यमबाट हुने अपराध नियन्त्रण गर्न यस्तो गरिएको उनले बताए ।

युवाहरूले साइबर क्याफेबाट अश्लील सामग्री हेर्ने भएकाले त्यसलाई नियन्त्रण गर्न पनि यसले सहयोग पुग्ने प्राधिकरणको अपेक्षा छ । 'धेरै मुलुकमा यस्तो व्यवस्था लागू भएको छ,' उनले भने, 'ती मुलुकमा यसबाट हुने अपराध नियन्त्रणमा समेत सहयोग पुगेको पाइएको छ ।'

यस्तै प्राधिकरणले क्याफे वा केन्द्रले अपारदर्शी रूपमा सेवा शुल्क निर्धारण गर्ने गरेको गुनासो आएको अवस्थामा सरकारले ग्राहकसँग लिने महसुल दर सबैले देख्ने गरी राख्नुपर्ने व्यवस्थासमेत गरेको छ । उपभोक्ताले जुनसुकै प्रयोजनका लागि इन्टरनेट सेवा लिए पनि कानुनले निषेध गरेको क्रियाकलाप गर्न नपाइने र अनुमतिपत्र प्राप्त गरेको प्रदायकको मात्र सेवा लिनुपर्ने व्यवस्था प्राधिकरणले गरेको छ । स्रोत: कान्तिपुर

मल्टी सर्भिस प्वाइन्ट अफ पिजेन्स कतारको दोहामा राखिने नेपाल टेलिकमले कतारको दोहामा ‘मल्टी सर्भिस प्वाइन्ट अफ पिजेन्स’ (पीओपी) स्थापना गर्ने सम्झौता भएको छ । यसबारे नेपाल टेलिकम र कतार टेलिकमबीच आइतबार सम्झौता भएको हो । सम्झौतापत्रमा टेलिकमका प्रबन्ध निर्देशक अमरनाथ सिं ... [पुरै पढ्नुहोस् ]
वाषिर्कोत्सवको अवसरमा नेपाल टेलिकमले आफ्ना सेवामा छुट दिने आठौं वाषिर्कोत्सवको अवसरमा नेपाल टेलिकमले आफ्ना सेवामा छुट दिने घोषणा गरेको छ । थ्रिजी प्रिपेड सिमकार्ड लिँदा लाग्ने शुल्क घटाइएको छ । कम्पनीका प्रबन्ध निर्देशक अमरनाथ सिंहले अब थ्रिजी सिमकार्ड ३ सय रुपैयाँमा दिइने ... [पुरै पढ्नुहोस् ]
ऊर्जा मन्त्रालयले १ खर्ब रुपैयाँ जुटाइदिन अर्थमन्त्रालयलाई अनुरोध १७ साउन-ऊर्जा मन्त्रालयले ७ सय ५० मेगावाटको जलाशययुक्त पश्चिम सेती आयोजना बनाउन आवश्यक १ खर्ब रुपैयाँ जुटाइदिन अर्थमन्त्रालयलाई अनुरोध गरेको छ ।ऊर्जासचिव बालनन्द पौडेलले अर्थसचिव कृष्णहरि बाँस्कोटालाई सोमबार पत्राचा ... [पुरै पढ्नुहोस् ]
बिनापाइलटको जहाज आविष्कारक-रुचितकुमार रेग्मीजेठ ३० -बिनापाइलटको जहाज र मनको आदेशमा चल्ने कम्प्युटरका आविष्कारक नेपाली इन्जिनियर रुचितकुमार रेग्मीलाई सरकारले २० लाख रुपैयाँ सहयोग दिने निर्णय गरेको छ। मन्त्रिपरिषदको गत शुक्रबारको बैठकले रेग्मीलाई रकम दिने निर्णय गर ... [पुरै पढ्नुहोस् ]
टेलिफोन सेवाका लागि अग्रस्थानमा एनसेलटेलिफोन सेवाका लागि अग्रस्थानमा रहेको नेपाल टेलिकमलाई जिएसएम मोबाइल फोन प्रयोगकर्ता संख्यामा भने निजी क्षेत्रको एनसेलले चुनौती पेस गरेको छ। गत महिना जिएसएम मोबाइलका ग्राहक संख्यामा नेपाल टेलिकमभन्दा अगाडि रहेर एनस ... [पुरै पढ्नुहोस् ]
एक वर्षको अवधिमा डाटा सेवा प्रयोगकर्तामा ७ प्रतिशतले वृद्धि ११ साउन- दूरसञ्चार क्षेत्रमा भएको विकास र बजार बिस्तारसँगै डाटा सेवा लिने ग्राहकको संख्या एक वर्षको अवधिमा दोब्बर बढेको छ । अघिल्लो वर्षको असार मसान्तमा ४ प्रतिशतमा सीमित रहेको डाटा सेवा एक वर्षपछि गत असारमा ११ प् ... [पुरै पढ्नुहोस् ]