.jpg)
प्राक्टिकल एक्सन नेपालको सहयोगमा एनजीओ नेटवर्क तनहुँले पहुँच कार्यक्रमअन्तर्गत १ करोड ३ लाख ५४ हजार ३ सय ८९ रुपैयाँको लागतमा तनहुँका ८ गाविसमा रोपवे र तुइन निर्माण गरेको छ ।तनहुँको वैदी, देवघाट, धरमपानी, कोटा, छिपछिपे, भीरकोट र छिम्केश्वरी गाविसमा ४ वटा ग्राभिटी रोपवे र ५ वटा तुइन निर्माण गरिएको एनजिओ नेटवर्क तनहुँका अध्यक्ष प्रतापसिंह गुरुङले बताए । ४ वटा ग्राभिटी रोपवे ६३ लाख ५६ हजार ६ सय ८५ र ५ वटा तुइन ३९ लाख ९७ हजार ७ सय ४ रुपैयाँको लागतमा निर्माण सम्पन्न भएको हो । ग्राभिटी रोपवे र तुइन निर्माण भएपछि आठ गाविसका १ हजार २ सय २५ घरधुरी लाभान्वित. भएको एनजिओ...
नेटवर्कले जनाएको छ ।२०६४ साल मंसिरमा निर्माण गरिएको पहिलो बैदी तुइनको लागत ७ लाख ६० हजार ७ सय २५ रुपैयाँ छ, जसमा वस्तुगत अनुदानतर्फ ६ लाख ३३ हजार ४ सय ९४, स्थानीय जनश्रमदान १ लाख ३८ हजार २ सय ३१ र गाउँ विकास समितिको १० हजार रुपैयाँ सहयोग रहेको थियो । छिम्केश्वरीमा रहेको तुइनको कुल लागत ६ लाख ८६ हजार ३ सय ६९ रुपैयाँ रहेको छ, जसमा वस्तुगत अनुदानतर्फ ५ लाख ६१ हजार १ सय २३, स्थानीय जनश्रमदान १ लाख १५ हजार २ सय ४६ र गाविसको १० हजार रुपैयाँ सहयोग रहेको छ ।
नेटवर्कले जनाएको छ ।२०६४ साल मंसिरमा निर्माण गरिएको पहिलो बैदी तुइनको लागत ७ लाख ६० हजार ७ सय २५ रुपैयाँ छ, जसमा वस्तुगत अनुदानतर्फ ६ लाख ३३ हजार ४ सय ९४, स्थानीय जनश्रमदान १ लाख ३८ हजार २ सय ३१ र गाउँ विकास समितिको १० हजार रुपैयाँ सहयोग रहेको थियो । छिम्केश्वरीमा रहेको तुइनको कुल लागत ६ लाख ८६ हजार ३ सय ६९ रुपैयाँ रहेको छ, जसमा वस्तुगत अनुदानतर्फ ५ लाख ६१ हजार १ सय २३, स्थानीय जनश्रमदान १ लाख १५ हजार २ सय ४६ र गाविसको १० हजार रुपैयाँ सहयोग रहेको छ ।
भिरकोटमा रहेको तुइन ६ लाख २० हजार १२ रुपैयाँको लागतमा निर्माण सम्पन्न भएकोमा वस्तुगत अनुदान ४ लाख ७९ हजार, स्थानीय जनश्रमदान १ लाख ३१ हजार १२ र गाविसको १० हजार, धरमपानीमा रहेको तुइन ८ लाख ७० हजार ४ सय ८७ रुपैयाँको लागतमा निर्माण सम्पन्न भएकोमा ६ लाख ९५ हजार ७२ वस्तुगत अनुदान, १ लाख ६५ हजार ४ सय १५ जनश्रमदान र गाविसको १० हजार रुपैयाँ सहयोग रहेको छ ।
२०६७ असारमा सम्पन्न भएको कोटाको तुइनको कुल लागत १० लाख ६० हजार १ सय ११ रुपैयाँ रहेको छ, जसमा ६ लाख १० हजार ७ सय ९३ वस्तुगत लागत र श्रमदान २ लाख २७ हजार ३ सय ६८ रुपैयाँ सहयोग रहेको छ । ग्राभिटी रोपवेतर्फ गाईघाटमा १३ लाख ५४ हजार ७ सय ९८, छिम्केश्वरीमा १५ लाख १५ हजार १ सय ६९, कोटामा १७ लाख ८० हजार ५ सय १ र छिपछिपेमा १४ लाख १४ हजार १ सय २० रुपैयाँको लागतमा सम्पन्न भएको एनजिओ नेटवर्क तनहुँले जनाएको छ ।
यातायातको साधन नपुगेका गाविसहरूमा वैकल्पिक यातायातको रुपमा रोपवे र तुइनलाई लिने गरिएको छ । ग्राभिटी रोपवे र तुइन बनेपछि दुई घण्टाको बाटो हिडेर बजारसम्म झर्नुपर्ने सर्वसाधारणको बाध्यता हटेको छ, साथै उनीहरूले गाउँमा उत्पादित तरकारीहरू ५ मिनेटमै ग्राभिटी रोपवेबाट बजारसम्म झार्न सक्ने भएका छन् ।
प्राक्टिकल एक्सन नेपालको सहयोगमा सञ्चालित पहुँच कार्यक्रम अन्तर्गत रोपवे र तुइन निर्माणका लागि स्थानीय स्तरमा नौवटा सामुदायिक संस्था दर्ता गरिएको छ, जसमध्ये दुईवटा संस्थालाई कृषि सहकारी संस्थामा दर्ता गरिसकिएको छ भने अन्य २ सामुदायिक संस्था पनि कृषि सहकारीका रूपमा दर्ता प्रक्रियामा रहेको छ । नेटवर्कले ग्राभिटी रोपवे र तुइन निर्माण गरेको ठाउँहरूमा कृषि उत्पादन वृद्धि गर्न साना सिँचाइ प्रविधि र बीउबिजनसमेत वितरण गरी सहयोग गरेको छ । देवघाट, छिम्केश्वरी, कोटा र छिपछिपेका कृषकलाई तरकारी खेतीका लागि प्लास्टिक पोखरीसमेत वितरण गरिएको छ ।
ग्राभिटी रोपवे भएका ठाउँहरूमा सूचना केन्द्र स्थापना गरी केन्द्रबाट कृषकलाई विभिन्न जानकारी दिने गरिएको अध्यक्ष गुरुङले बताए । केन्द्रबाट उत्पादित तरकारीको बजार मूल्यलगायतका बारेमा जानकारी दिने गरेको उनको भनाइ छ ।
नेपालका चार जिल्लामा पहुँच कार्यक्रम लागू गरेको नेपालका प्रोजेक्ट म्यानेजर रवीन्द्रबहादुर सिंहका अनुसार यो कार्यक्रम लागू भएका जिल्लाहरूमा तनहुँ, गोरखा, अछाम र कालिकोट छन् । चार जिल्लाका २४ गाविसमा हालसम्म १२ तुइन र १७ ग्राभिटी रोपवे निर्माण गरिसकिएको छ ।
सन् २००७ बाट सुरु भएको पाँचवर्षे कार्यक्रमको कुल बजेट १२ करोड ६० लाख रहेको र हालसम्म १० करोड ७३ लाख खर्च भइसकेको सिंहले जानकारी दिए । स्रोत: कारोबार
Related Posts
नासाको क्युरियोसिटी यान आज बिहान सवा ११ बजेतिर मंगल ग्रहमासाउन २२, रातो ग्रहका रुपमासमेत चिनिने मंगल ग्रहमा जीवको अस्तित्वमाथि २ वर्षे अध्ययनको मिसनसहित अमेरिकी अन्तरिक्ष एजेन्सी नासाद्वारा पठाइएको अन्तरिक्ष यान आज सफलताका साथ अवतरण गरेको छ । नासाको क्युरियोसिटी यान ... [पुरै पढ्नुहोस् ]
माध्यमिक शिक्षा परिषद्बारा डेढ सय उच्चमावि थपिए
२९ साउन-उच्च माध्यमिक शिक्षा परिषद्बारा यस वर्ष थप १ सय ५४ विद्यालयले सञ्चालनको सम्बन्धन पाएका छन् । यसपछि उच्च माविको संख्या ३ हजार २ सय २२ पुगेको छ । सरकारले गत वर्षदेखि त्रिभुवन विश्वविद्यालयबाट प्रमाणपत्र तह विस ... [पुरै पढ्नुहोस् ]
जलविद्युत् क्षेत्रमा गत वर्षभन्दा दोब्बर बजेट छुट्याउने
अषाढ ३० - जलविद्युत् क्षेत्रमा सरकारले गत वर्षभन्दा दोब्बर बजेट छुट्याउने भएको छ । जलविद्युत् विकास कम्पनीका लागि ५ अर्ब रुपैयाँसहित करिब २५ अर्ब रुपैयाँ यसपटक ऊर्जा मन्त्रालयले पाउने भएको छ । चालू आर्थिक वर्षमा ऊर्ज ... [पुरै पढ्नुहोस् ]
बहुराष्ट्रिय कम्पनी टेलिया सोनेरा एनसेलसँग ‘सन्तुष्ट’
नेपालको दूरसञ्चार क्षेत्रमा एनसेलले हासिल गरेको प्रगतिप्रति बहुराष्ट्रिय कम्पनी टेलिया सोनेराले सन्तुष्टि जनाएको छ । आफूसँग आबद्ध युरोप तथा एसियाली मुलुकमा भन्दा नेपालमा यसको विस्तार र विकास अगाडि रहेको उसले बताएको ... [पुरै पढ्नुहोस् ]
वाषिर्कोत्सवको अवसरमा नेपाल टेलिकमले आफ्ना सेवामा छुट दिने
आठौं वाषिर्कोत्सवको अवसरमा नेपाल टेलिकमले आफ्ना सेवामा छुट दिने घोषणा गरेको छ । थ्रिजी प्रिपेड सिमकार्ड लिँदा लाग्ने शुल्क घटाइएको छ । कम्पनीका प्रबन्ध निर्देशक अमरनाथ सिंहले अब थ्रिजी सिमकार्ड ३ सय रुपैयाँमा दिइने ... [पुरै पढ्नुहोस् ]
नेपाल टेलिकमले एक करोड लाइन थप्ने
४ साउन-नेपाल टेलिकमले चालू आर्थिक वर्षमा एक करोड लाइन मोबाइल थप गर्ने भएको छ । कम्पनीले सेकेन्ड जेनरेसन (टुजी), थर्ड जेनेरेसन (थ्रीजी) र लङटर्म इभोलुसन (एलटीई) लगायतका सेवामा आगामी साताभित्र एक करोड लाइनको टेन्डर आह ... [पुरै पढ्नुहोस् ]
Nepalese Rupee Converter
.gif)