NamasteSansar: Online News, Entertainment, Movies, Filmy News, Glamour, Wallpapers N More.: एक सय सात कर्मचारी कारबाहीमा

२५ असार वन तस्करी र फडानीमा संलग्न रहेको आरोपमा वन मन्त्रालयले दुई सहसचिव, आठ उपसचिव, ३० अधिकृतसहित एक सय सात कर्मचारीलाई केही दिनअघि कारबाही गरेको छ । उनीहरू सबैको पाँच ग्रेड तलब र तीन वर्षसम्म बढुवा रोक्का गरिएको हो ।कारबाहीमा परेका कर्मचारीलाई हालको विशेष जिम्मेवारीबाट हटाएर जगेडामा राख्ने तयारी मन्त्रालयले गरेको छ । केहीलाई भने यसअघि नै जिम्मेवारीबाट मुक्त गरिएको थियो ।वन अतिक्रमण, वन विनास र सामुदायिक वनसम्बन्धी छानबिन गर्न सरकारद्वारा गठित उच्चस्तरीय जाँचबुझ आयोगले दिएको प्रतिवेदनका आधारमा मन्त्रालयले कर्मचारीलाई कारबाही गरेको हो । अघिल्लो सरकारले...

गत वर्ष २८ साउनमा पुनरावेदन.अदालतका पूर्व मुख्यन्यायाधीश गोविन्द पराजुलीको अध्यक्षतामा पूर्वसचिव तीर्थराज शर्मा र पूर्वमहान्यायाधिवक्ता नरेन्द्रप्रसाद पाठक रहेको उच्चस्तरीय जाँचबुझ आयोग गठन गरेको थियो ।

आयोगले कर्मचारीलाई मात्रै दोषी देखाएर कारबाही सिफारिस गरेकोमा वन मन्त्रालयकै केही उच्च अधिकारीले असन्तुष्टि जनाएका छन् । ती अधिकारीका अनुसार आयोगले तत्कालीन वनमन्त्री दीपक बोहोरा र वनसचिव युवराज भुसाललाई कारबाहीको सिफारिस गरेको छैन् ।

वन मन्त्रालयका अनुसार आयोगको प्रतिवेदनका आधारमा कारबाही गरिएका सह-सचिवहरूमा माधव आचार्य र मोहन कोइराला छन् । आचार्य तत्कालीन वन विभागका महानिर्देशक हुन् भने कोइराला बाराका तत्कालीन डिएफओ हुन् । उनीहरू दुवै हाल जिम्मेवारीविहीन अवस्थामा छन् । सहसचिव आचार्यले भने आयोगले दुराग्रह राखी आफूमाथि कारबाहीको सिफारिस गरेको आरोप लगाएका छन् । यसैगरी, कारबाहीमा पर्नेमा उदयपुरका तत्कालीन जिल्ला वन अधिकृत शान्तमणि ताम्राकारसहित सात कर्मचारी, पाँचथरका जिल्ला वन अधिकृत गणेशबहादुर कार्कीसहित १०, सर्लाहीका तत्कालीन जिल्ला वन अधिकृत शेखर यादवसहित नौ कर्मचारी छन् । बाँकेका तत्कालीन जिल्ला वन अधिकृत श्यामप्रसाद शर्मासहित नौ, बर्दियाका वन अधिकृत प्रभुनाथ यादवसहित ११, कैलालीका वन अधिकृत बाबुराम भण्डारीसहित १२, डडेल्धुराका तत्कालीन जिल्ल्ाा वन अधिकृत धनीचन्द्र ठाकुरसहित तीन कर्मचारी कारबाहीमा परेको मन्त्रालयले जनाएको छ । मन्त्रालयका अनुसार कारबाहीमा पर्नेमा २५ सहायक वन अधिकृत, ५५ रेञ्जर तथा १५ वनरक्षक छन् ।

वन मन्त्रालय स्रोतका अनुसार कारबाहीमा परेका विशेष निगरानी राखिएको छ । कारबाहीमा परे पनि केही कर्मचारी वन अधिकृतकै रूपमा कार्यरत छन् । उनीहरू सबैलाई मन्त्रालयलमा तानेर जिम्मेवारविहीन राख्ने तयारी गरिएको मन्त्रालय स्रोतले बतायो । 'साउनको दोस्रो सातासम्म कारबाहीमा परेका सबैलाई महत्त्वपूर्ण जिम्मेवारीबाट हटाउँछाँै' मन्त्रालयका एक उच्च अधिकारीले भने ।

यसैबीच, आयोगद्वारा दोषी ठहर्‍याइएका तत्कालीन वन विभागका महानिर्देशक माधव आचार्यले वन विनासबारे छानबिन गर्न बनेको न्यायिक आयोगमाथि नै छानबिन गर्न माग गरेका छन् । उनले न्यायिक आयोगविरुद्ध अख्तियार दुरूपयोग अनुसन्धान आयोगमा उजुरी हालेका छन् । आचार्यले दिएको उजुरीमा न्यायिक आयोगले आफ्नो टिओआरअनुसार कार्य नगरेको, रक्तचन्दन लिलाम बिक्री गराउने निर्णय गर्ने तत्कालीन वनमन्त्री दीपक बोहोरालाई केही नगरेको र छानबिनका क्रममा आर्थिक अनियमितता भएको आरोप लगाइएको छ ।

स्रोत: नयाँ पत्रीका

माओवादीका गुरिल्लाहरुले आँफै क्यासिनो किनेर चलाउन थालेकुनै दिन तास खेल्नेलाई तास खुवाएर कारबाही गर्ने माओवादीका गुरिल्लाहरु अहिले धेरै नेपालीलाई घरबार बिहीन बनाएको अखडा अर्थात् क्यासिनो किनेर चलाउन थालेका छन्। देश र जनताको मुहार फेर्छु भनेर सशस्त्र युद्ध लडेर १३ हजार भन्दा ... [पुरै पढ्नुहोस् ]
पूर्वराजा ज्ञानेन्द्र शाहले वर्तमान राजनीतिक संकटबारे मुख खोल्नेकाठमाडौं, ११ असार । केही समययता मौन रहँदै आएका पूर्वराजा ज्ञानेन्द्र शाहले वर्तमान राजनीतिक संकटबारे मुख खोल्ने भएका छन् । चार दिन लामो जिल्ला भ्रमणको कार्यक्रम बनाएर उनले आºना कुरा मिडियामार्फत सार्वजनिक गर्ने तयारी गर ... [पुरै पढ्नुहोस् ]
एकीकृत नेकपा माओवादी विधीवत रुपमै विभाजन भएको घोषणाअसार ५ । एकीकृत नेकपा माओवादी विधीवत रुपमै विभाजन भएको घोषणा आज एक पत्रकार सम्मेलनको आयोजना गरी नवगठित पार्टी नेकपा, माओवादीका अध्यक्ष मोहन बैद्यले गरेका छन् । राजधानीमा आयोजित पत्रकार सम्मेलनमा अध्यक्ष बैद्यले एकीकृत न ... [पुरै पढ्नुहोस् ]
शताब्दीकै लामो खग्रास चन्द्रग्रहण लाग्नेआज मध्यरातमा आकाशमा शताब्दीकै लामो खग्रास चन्द्रग्रहणको आकृति देखिँदै छ ।राति १२ बजेर ६ मिनेटमा देखिने खग्रास चन्द्रग्रहण १ बजेर ५७ मिनेट जाँदा मध्य हुनेछ भने ३ बजेर ४७ मिनेटमा अन्त्य हुनेछ ।नेपाल पञ्चाङ्ग न ... [पुरै पढ्नुहोस् ]
क्यासिनोमा जुवा खेल्ने नेपालीलाई कडा सजाय गर्नेगृह मन्त्रालयले तारे होटलमा सञ्चालन हुने जुवाघर (क्यासिनो) मा जाने नेपालीलाई कडा सजाय गर्ने गरी जुवासम्बद्ध कानुनको मस्यौदा तयार पारेको छ । गृहले जुवा ऐन, २०२० लाई खारेज गर्न मस्यौदा गरेको 'जुवा वा सट्टाबाजी खेल्ने वा ख ... [पुरै पढ्नुहोस् ]
जोमसोममा अग्नि एअरको विमान दुर्घटनाग्रस्त, १५ जनाको मृत्युपोखराबाट जोमसोमका लागि उडेको अग्नी एयरको नाइन एन ए आइ जी नम्बरको डोनियर विमान मुस्ताङको जोमसोममा दुर्घटनाग्रस्त भएको छ। दुर्घटनामा परी पन्ध्र जनाको मृत्यु भएको छ। मृत्यु हुनेमा दुई नेपाली र तेह्र जना भारतीय नागरिक रहेको ... [पुरै पढ्नुहोस् ]