NamasteSansar: Online News, Entertainment, Movies, Filmy News, Glamour, Wallpapers N More.: जाजरकोट खलंगाको वडा नम्बर ८ ले पायो १० करोड

श्रावण ३ - एउटा वडाले वर्षमा कति बजेट पाउला ? जाजरकोट खलंगाको वडा नम्बर ८ भने यस्तो भाग्यमानी परेको छ जसले गत आर्थिक वर्ष १० करोड रुपैयाँको विकास पाएको छ ।द्वन्द्वकालमा जर्जर भएका खलंगा-८ का पीपे, मैदे र रिम्ना गाउँमा शान्ति प्रक्रियापछि विकासे कार्यक्रमको ओइरै लागेको हो । सदरमुकाम नजिकैको गाउँमा खानेपानी तथा सरसफाइ, लघु जलविद्युत्, सिँचाइ, सडक, विद्यालय भवन, सहिद पार्क र सहिद स्मृति भवन निर्माण गरिएका छन् । सरकारले गाउँमा खानेपानी तथा सरसफाइमा १ करोड १७ लाख, विद्युत्मा १ करोड १२ लाख, सडकमा झन्डै ७ करोड, सिँचाइमा ७० लाख, विद्यालय भवन बनाउन १२ लाख ५१ हजार...

र सहिद पार्क तथा स्मृति भवनलाई ३६ लाख ८० हजार खर्च गरेको छ ।जिविसको एक चौथाइ बजेट यस वडामा खर्च गरिएको छ । ठूलो परिमाणको लगानीअनुरूप विकास निर्माणका काम पनि सन्तोषजनक भएको जिल्ला इन्जिनियर अशोककुमार साहले बताए । जिल्लास्तरमा पीप-रिम्नालाई एक वर्षअघि नमुना गाउँ घोषणा गरिएको थियो । गाउँ बीचबाटै ८ किलोमिटर सडक निर्माण भएको

छ । यो डोल्पा जोड्ने राजमार्गका रूपमा विकास गरिएको हो । भेरी नदीको पानी खाने र नदीको किनारमै खुला दिसापिसाब गर्नेले स्वच्छ पिउने पानी र शौचालय प्रयोग गर्ने गरेका छन् ।

स्वच्छ खानेपानी सुविधाबाट करिब ३ सय ५० परिवार लाभान्वित छन् ।

करिब १२ किलोवाट विद्युत् उत्पादनले गाउँ झिलीमिली भएको छ भने १४ किलोवाटको अर्को योजना निर्माण हुने क्रममा छ । भेरी त्रिवेणी मावि रिम्नामा छात्रा शौचालयसहितको १० कोठे भवन पनि बनेको छ । त्यसैगरी ३ सयभन्दा बढी सहिदको सम्झनामा स्मृति भवन र पार्क बनेको छ । माओवादीले स्मृति भवनमा सबै सहिदको तस्बिर राख्ने जनाएको छ ।

देशमा शान्ति स्थापनापछिका चार वर्षमा खलंगा गाविसअन्तर्गत पर्ने यो वडाले विकास निर्माणमा तीव्रता पाएको हो । पीपे-रिम्ना गाउँमा विकासे संघसंस्थाको ओइरो लाग्ने गरेको छ । द्वन्द्वका बेला सबैभन्दा पीडित यो गाउँलाई विकासको दृष्टिले नमुना बनाउन माओवादी जिल्लास्तरको नेतृत्वले बढी जोड दिएको हो । सशस्त्र द्वन्द्वमा वडा ८ का २६ जनाको ज्यान गएको थियो भने दुई जना बेपत्ता छन् ।

विद्रोहीबाट एक र राज्य पक्षबाट २५ जना मारिएका थिए । रिम्नामा एउटै घरका कुन्त खड्का, भाइ लक्ष्मण र मनसरा गरी तीन जना मारिएका थिए । 'द्वन्द्वमा सबैभन्दा बढी स्थानीयले ज्यान गुमाएको वडा भएको नाताले विकासका लागि अन्यत्रभन्दा बढी प्राथमिकता दिएका हौं,' माओवादी जिल्ला इन्चार्ज गगन खड्काले भने ।

विश्व विनिमय परिदृश्यबाट अमेरिकी डलरको प्रभुत्व हट्ने वासिङ्टन, १ साउन-अब विश्व विनिमय परिदृश्यबाट अमेरिकी डलरको प्रभुत्व हट्ने भएको छ । विश्व आर्थिक वृद्धिका प्रमुख वाहकका रूपमा केही विकासशील देशहरू प्रस्तुत भएका र वित्तीय विनिमयमा अमेरिकी डलरमा थोरै मात्र निर्भर भएपछि ... [पुरै पढ्नुहोस् ]
एक सय सात कर्मचारी कारबाहीमा २५ असार वन तस्करी र फडानीमा संलग्न रहेको आरोपमा वन मन्त्रालयले दुई सहसचिव, आठ उपसचिव, ३० अधिकृतसहित एक सय सात कर्मचारीलाई केही दिनअघि कारबाही गरेको छ । उनीहरू सबैको पाँच ग्रेड तलब र तीन वर्षसम्म बढुवा रोक्का गरिएको ह ... [पुरै पढ्नुहोस् ]
विद्यार्थी संगठनहरु पनि सरकारविरुद्ध आन्दोलनमा उत्रने भए २९ माघ । विपक्षी राजनीतिक दलहरु ‘सरकार हटाउ आन्दोलन’मा उत्रिएसँगै विपक्षी राजनीतिक दलसम्वद्ध एघार विद्यार्थी संगठनहरु पनि आन्दोलनको तयारीमा जुटेका छन् । शिक्षा क्षेत्रसँग सम्बन्धित माग लिएर विद्यार्थीहरु आन्दोलनमा उ ... [पुरै पढ्नुहोस् ]
विद्यार्थीहरु भर्ना हुनै नआएपछि दुई दर्जन सामुदायिक विद्यालय बन्द काठमाडौं, १० पुस । विद्यार्थी भर्ना हुनै नआएपछि उपत्यकाका दुई दर्जन सामुदायिक विद्यालय बन्द भएका छन् । काठमाण्डौंमा १४, भक्तपुरमा ६ र ललितपुरमा चार स्कुलमा विद्यार्थी नै नभएपछि बन्द भएका हुन् । विद्यार्थी शुन्य भएप ... [पुरै पढ्नुहोस् ]
सर्वोच्च अदालतमा बन्दविरुद्ध कडा कानुन ल्याउन रिट दायरअसार २७ - नेपाल वा त्यसको कुनै भागमा हुने बन्दविरुद्ध कडा कानुन ल्याउन माग गर्दै बुधबार सर्वोच्च अदालतमा रिट निवेदन दायर भएको छ । अधिवक्ता भोजबहादुर केसीले दायर गरेको रिटमा हाल सदन नभएको अवस्थामा अन्तरिम संविधानको ... [पुरै पढ्नुहोस् ]
सरकारद्वारा खाडी मुलुकमा महिलालाई पठाउन खुलासरकारले खाडी मुलुकमा घरेलु कामदारका रूपमा महिलालाई पठाउन खुला गरेको छ । महिलाहरू बढी पीडित भएको भन्दै सरकारले एक दशकदेखि यसमा रोक लगाएको थियो ।प्रतिबन्ध लगाएको अवस्थामा पनि भारतको बाटो हँुदै गैरकानुनी ढंगबाट महिला कामदा ... [पुरै पढ्नुहोस् ]