NamasteSansar: Online News, Entertainment, Movies, Filmy News, Glamour, Wallpapers N More.: एप्पल इंकले विश्व प्रसिद्ध नोकिया कम्पनीलाई पनि जित्यो

१५ साउन-चालू वर्षको दोस्रो त्रैमासमा विश्वव्यापी मोबाइल फोन बजार ११.३ प्रतिशतले विस्तार भएसँगै प्रसिद्ध प्रविधि कम्पनी एप्पल इंकले विश्वकै सबैभन्दा ठूलो मोबाइलफोन निर्माता कम्पनी नोकियालाई स्मार्टफोन बिक्रीका आधारमा पाखा लगाइदिएको छ ।आम्दानी तथा नाफाका दृष्टिले विश्वको सबैभन्दा ठूलो स्मार्टफोन विक्रेता बनेसँगै विश्वमा एप्पलको स्मार्टफोन बजार हिस्सा बढेर १८.५ प्रतिशत पुगेको छ । चालू वर्षको दोस्रो त्रैमासमा एप्पलले २ करोड ३ लाख एकाइ आईफोन बिक्री गरेको छ । जुन बिक्री संख्या गत वर्षको दोस्रो त्रैमासको तुलनामा १ सय ४२ प्रतिशतले उच्च हो ।यसैगरी, सामसुङको स्मार्टफोन बिक्री संख्या १ करोड ९२ लाख पुगेको छ, जुन...

बिक्री संख्या गत वर्षको सोही अवधिको तुलनामा ५ सय २० प्रतिशतले उच्च हो । चालू वर्षको दोस्रो त्रैमासमा विश्वव्यापी स्मार्टफोन बजारमा सामसुङको हिस्सा बढेर १७.५ प्रतिशत पुगेको छ ।

यसरी लामो समयदेखि विश्व स्मार्टफोन बजारमा वर्चस्व जमाइराखेको नोकियालाई एप्पल र सामसुङ दुवैले बिक्रीका आधारमा उछिनेका छन् । फिनल्यान्डको मोबाइल फोन निर्माता कम्पनी नोकियाको बजार हिस्सा विश्व स्मार्टफोन बजारमा घटेर १५.२ प्रतिशतमा झरेको छ । जुन बजार हिस्सा गत वर्षको तुलनामा झन्डै आधाभन्दा पनि कम हो ।

सन् २०१० को दोस्रो त्रैमासमा नोकिया विश्वको नम्बर एक स्मार्टफोन निर्माताको रूपमा रहेको थियो, विश्व स्मार्टफोन बजारमा कम्पनीको हिस्सा ३८.१ प्रतिशत कायम थियो, तर हाल आएर एप्पल र सामसुङका तुलनामा नोकियाको बजार हिस्सा घट्दै आएको छ ।

इन्टरनेसनल डाटा कर्पोरेसन (आईडीसी) ले सार्वजनिक गरेको प्रतिवेदनले वार्षिक आधारमा चालू वर्षको दोस्रो त्रैमासमा विश्वव्यापी मोबाइल फोन बजार ११.३ प्रतिशतका दरले वृद्धि भएको देखाएको छ । यद्यपि ‘फिचर फोन’ बजारमा विगत २ वर्षयता पहिलो पटक गिरावट आएको प्रतिवेदनमा उल्लेख छ । दोस्रो त्रैमासमा विश्व ‘फिचर फोन’ बजार ४ प्रतिशतले संकुचित भएको आईडीसीको प्रतिवेदनले देखाएको छ ।

मुख्यगरी आर्थिक रूपमा धनी राष्ट्रहरू (अमेरिकी, जापान र पश्चिमी युरोप) को ‘फिचर फोन’ बजारमा कमी आएको प्रतिवेदनमा उल्लेख छ । त्यस क्षेत्रका मोबाइल फोन प्रयोगकर्ताहरू स्मार्टफोनतर्फ बढी केद्रित भएकोले ‘फिचर फोन’ बजार आरोलो लागेको हो ।

‘फिचर फोन’ बजारमा आएको गिरावटले विश्वको सबैभन्दा ठूलो मोबाइलफोन आपूर्तिकर्ता नोकियालगायतका कम्पनीहरूलाई ठूलो धक्का पुगेको छ ।

समग्रमा चालू वर्षको दोस्रो त्रैमासमा विश्वभरका मोबाइल फोन निर्माता कम्पनीहरूले कुल ३६ करोड ५४ लाख एकाइ मोबाइल फोन बिक्री गर्न सफल भएका छन्, जुन संख्या अघिल्लो वर्षको तुलनामा झन्डै ४ करोडले उच्च हो । गत वर्षको दोस्रो त्रैमासमा विश्वभर ३२ करोड ८४ लाख एकाइ मोबाइल फोन बिक्री भएका थिए ।

यसरी विश्व स्मार्टफोन बजारमा एप्पल र सामसुङभन्दा पछाडि परे पनि नोकिया समग्रमा मोबाइल फोन बिक्रीका आधारमा अहिले पनि विश्वको सबैभन्दा ठूलो मोबाइल फोन निर्माता कम्पनीको स्थानमा छ । विश्व मोबाइल बजारमा नोकियाको हिस्सा २४.२ प्रतिशत कायम छ । त्यसपछि क्रमशः सामसुङ, एलजी इलेट्रोनिक्स, एप्पल र ज्याडटीईलगायतका कम्पनीहरू छन् । स्रोत: कारोबार

विमान कम्पनीद्वारा तीन नयाँ एयरलाइन्स थपिने कार्तिक ३ - नेपालतर्फ देखिएको पर्यटक आकर्षणसँगै नयाँ विमान कम्पनीको चासो पनि बढ्न थालेको छ । यसअघि यात्री नपाएर बन्द भएका सहित तीन नयाँ विमान कम्पनीले काठमाडौं सीधा उडानको माग गर्दै आवेदन दिएका छन् ।रसियाको एरोफ्लोट ... [पुरै पढ्नुहोस् ]
सामाजिक सञ्जाल फेसबुकले अब सेक्स पार्टनर पनि खोजिदिने आफ्ना प्रयोगकर्ताको लागि केही न केही नयाँ खुराक ल्याएर खुसी पार्ने सामाजिक सञ्जाल फेसबुकले अब सेक्स पार्टनर पनि खोजिदिने भएको छ ।उसले यसअघि नै जागिर खोज्न, आफ्नो प्रचार गर्न, मित्रको मनस्थिति बुझ्न र निःशुल्क भ्वाइ ... [पुरै पढ्नुहोस् ]
नेपाल टेलिकमले एक करोड लाइन थप्ने ४ साउन-नेपाल टेलिकमले चालू आर्थिक वर्षमा एक करोड लाइन मोबाइल थप गर्ने भएको छ । कम्पनीले सेकेन्ड जेनरेसन (टुजी), थर्ड जेनेरेसन (थ्रीजी) र लङटर्म इभोलुसन (एलटीई) लगायतका सेवामा आगामी साताभित्र एक करोड लाइनको टेन्डर आह ... [पुरै पढ्नुहोस् ]
अब जुत्ताबाट समेत मोबाईल चार्ज गर्न सकिने प्रबिधिको निर्माण हावा र पानीबाट मोबाईल चार्ज हुने प्रसङ्ग त तपाईले सुन्नु भएकै हो, तर जुत्ताबाट पनि मोबाईल चार्ज हुने खबरले भने तपाईलाई चकित पार्न सक्छ । अमेरिका बोस्टनमा रहेको राईस युनिभर्सिटीका छात्रहरुले यस्तो एउटा जुत्ताको बिकास ... [पुरै पढ्नुहोस् ]
तनहुँका ८ गाविसमा रोपवे र तुइन निर्माणप्राक्टिकल एक्सन नेपालको सहयोगमा एनजीओ नेटवर्क तनहुँले पहुँच कार्यक्रमअन्तर्गत १ करोड ३ लाख ५४ हजार ३ सय ८९ रुपैयाँको लागतमा तनहुँका ८ गाविसमा रोपवे र तुइन निर्माण गरेको छ ।तनहुँको वैदी, देवघाट, धरमपानी, कोटा, छिपछिपे, ... [पुरै पढ्नुहोस् ]
जलविद्युत् क्षेत्रमा गत वर्षभन्दा दोब्बर बजेट छुट्याउने अषाढ ३० - जलविद्युत् क्षेत्रमा सरकारले गत वर्षभन्दा दोब्बर बजेट छुट्याउने भएको छ । जलविद्युत् विकास कम्पनीका लागि ५ अर्ब रुपैयाँसहित करिब २५ अर्ब रुपैयाँ यसपटक ऊर्जा मन्त्रालयले पाउने भएको छ । चालू आर्थिक वर्षमा ऊर्ज ... [पुरै पढ्नुहोस् ]