NamasteSansar: Online News, Entertainment, Movies, Filmy News, Glamour, Wallpapers N More.: ओलम्पिकमा भाग लिने साउदी महिलालाई कडा नियम लगाइने

साउदी अरेबिया, असार १८ । यस महिनाको अन्त्यतिर लन्डनमा आयोजना हुने ओलम्पिक खेलमा भाग लिन पहिलोपटक अनुमति प्राप्त गरेका साउदी अरेबियाका महिलाले यस मुलुकको कट्टर परम्परावादी कानुन मान्नुपर्ने जानकारी यस मुलुकका खेलकूद प्रमुख राजकुमार नवाफ बिन फैजलले अल–जजिरालाई बताएको छ । उनले यस प्रतिस्पर्धामा भाग लिने सबै महिला खेलाडीले सरिया कानुनअनुसार उपयुक्त पहिरन लगाउनु पर्ने र उनीहरूको साथमा एक पुरुष संरक्षक पनि हुनुपर्ने बताए । यी पुरुष संरक्षकलाई भने खेलको समयमा साथ नहरन पनि निर्देशन दिएका छन् । उनले महिला खेलाडी तथा उनीहरूका संरक्षकले यी
नियम नतोड्ने सपथ लिनुपर्ने पनि उल्लेख गरे । लन्डनमा रहेको साउदी दूतावासले गत महिना साउदी महिलालाई पनि ओलम्पिकमा सहभागी हुन अनुमति दिइने उल्लेख गरेको थियो । उनले खेलमा सहभागी हुन छनौट भएका महिलालाई साउदी ओलम्पिक समितिले अनुगमन गर्ने पनि जानकारी दिए । साउदी अरेबिया, कतार तथा ब्रुनाइले हालसम्म ओलम्पिकमा महिला खेलाडी पठाएका छैनन् । कतारले यस वर्ष चार महिला खेलाडी लन्डन पठाउने घोषणा गरिसकेको छ ।

साउदी अरेबियामा महिलाको खेलमा सहभागिता निकै संवेदनशील विषय बनेको छ । यहाँ महिलालाई गाडी चलाउन समेत अनुमति दिइएको छैन । यहाँ सन् २००९ तथा २०१० मा महिलाका लागि निजी शारीरिक सुगठन तालिम केन्द्र बन्द गरिएका थिए । साउदी अरेबियामाथि महिलालाई खेलमा सहभागी गराउन निकै दबाब परेको थियो र अन्तर्राष्ट्रिय ओलम्पिक समितिका अध्यक्ष ज्याक्स रोजले यस विषयमा यस मुलुकका शासकहरूसँग लामो समयसम्म कुरा गर्नुपरेको स्वीकार गरेका थिए ।

नवाफले पहिलेका खेलमा आफ्नो मुलुकसँग महिला खेलाडी नभएको र हालका दिनमा धेरै साउदी महिलाले अन्तर्राष्ट्रिय ओलम्पिक समितिका तथा अन्य अन्तर्राष्ट्रिय सङ्गठनहरूसँग आफूहरूले पनि खेलमा सहभागी बन्ने चाहना गरेको जानकारी दिएको बताए । गत महिना न्युयोर्कमा केन्द्रीय कार्यालय रहेको ह्युमन राइट्स वाचले साउदी अरेबियाले लन्डनमा महिला खेलाडी पठाउने निर्णय गरे पनि यस मुलुकमा महिलालाई खेलमा सहभागी हुन प्रतिबन्ध लगाइने गरिएको उल्लेख गरेको थियो । स्रोत: नेपाल एभरेष्ट

शैलेश राणाले पाँच स्पर्धामा स्वर्णपदक जिते शैलेश राणाले पहिलो एनएसए राष्ट्रिय खुला तथा उमेर समूह पौडी च्याम्पियनसिपमा आइतबार पाँच स्पर्धामा स्वर्णपदक जितेका छन् । चीनमा हुने १६ औं एसियाली खेलकुदका लागि छनोट हुन सफल शैलेशले पहिलो दिन ६ स्पर्धामा प्रतिस्पर्धा ... [पुरै पढ्नुहोस् ]
भारतलाई हराउँदै अफगानिस्तान बन्यो साफ च्याम्पियन-२०१३ डिफेण्डिङ च्याम्पियन भारतलाई पराजित गर्दै अफगानिस्तान साफ च्याम्पियनसिप फुटबलको नयाँ च्याम्पियन बनेको छ । बुधबार साँझ भएको फाइनल भिडन्तमा अफगानिस्तानले २-० को जित निकाल्दै उपाधि मात्र जितेन, सातौं संकरणमा उपाधि भिडन ... [पुरै पढ्नुहोस् ]
श्रीलंका तेस्रोपल्ट पनि विश्वकप क्रिकेटको फाइनलमा पुग्न सफल कोलम्बो (रोयटर्स), चैत्र १६ - श्रीलंका मंगलबार तेस्रोपल्ट विश्वकप क्रिकेटको फाइनलमा पुगेको छ । उसले न्युजिल्यान्डलाई पहिलो सेमिफाइनलमा पाँच विकेटले पराजित गर्‍यो । श्रीलंकाको जित सहज भने रहेन र न्युजिल्यान्ड लगातार ... [पुरै पढ्नुहोस् ]
बार्सिलोनाका स्ट्राइकर मेसीले बनाए सर्वाधिक गोलको नयाँ कीर्तिमान बार्सिलोनाका स्ट्राइकर लियोनल मेसिले च्याम्पियन्स लिग फुटबलमा सर्वाधिक गोल गर्ने कीर्तिमान बनाएका छन् । गएराति एपोल निकोसिया विरुद्धको खेलमा ह्याट्रिक गरेका मेसीले च्याम्पियन्स लिगमा सर्वाधिक गोलकर्ताको सूचिमा आफ्नो ... [पुरै पढ्नुहोस् ]
फिफा बरियतामा नेपाल दुई स्थान फड्को मार्दै एक सय ६९ औँ स्थानमा नेपाल फिफा बरियतामा दुई स्थान फड्को मारेको छ । विश्व फुटबलको नियमनकारी निकाय फिफाले विहीवार सार्वजनिक गरेको नयाँ फुटबल बरियातामा नेपाल दुई स्थान फड्को मार्दै एक सय ६९ औँ स्थानमा उक्लिएको हो । यसअघि नेपाल एक सय ७१ औ ... [पुरै पढ्नुहोस् ]
नेपाल एएफसी यू-१६ च्याम्पियनसिप फुटबलको फाइनल चरणमा प्रवेश नेपाल सोह्र वर्ष मुनिको एएफसी च्याम्पियनसिपमा तेश्रो पटक छनौट भएको छ । कप्तान विमल घर्तिमगरको हृयाट्रिकसँगै तुर्कमेनिस्तानलाई ४-० ले पराजित गरेको नेपाल एएफसी यू-१६ च्याम्पियनसिप फुटबलको फाइनल चरणमा प्रवेश गरेको छ ... [पुरै पढ्नुहोस् ]