NamasteSansar: Online News, Entertainment, Movies, Filmy News, Glamour, Wallpapers N More.: नागपञ्चमी पर्वमा मूलढोकामा नागको चित्र टाँसी पूजाअर्चना

साउन ९, आज श्रावण शुक्ल पञ्चमी सनातन हिन्दुहरूले नागपञ्चमी पर्व परम्पराअनुसार घरका मूलढोकामा नागको चित्र टाँसी पूजाअर्चना गरी मनाइँदैछ । नागलाई पानी र वर्षाका देवता, जुन घरमा नागको वास हुन्छ त्यहाँ लक्ष्मीको वास हुन्छ भन्ने धार्मिक विश्वासका साथ नागपूजा गरिने प्रचलन रहेको छ।नागपूजा विशेषतः षष्ठीयुक्त पञ्चमी तिथि अर्थात (षष्ठी तिथिलाई छोएको पञ्चमीका दिन) गर्नाले नागदेवता खुसी हुने र उदय पञ्चमी तिथिमा नै नागपूजा गर्ने परम्परासमेत रहिआएको नेपाल पञ्चाङ्ग निर्णायक समितिका अध्यक्ष प्रा. डा. माधव भट्टराईले बताए। नागपूजाको प्रचलन वैदिक काल अघिदेखि चल्दै आएको
विश्वास गरिन्छ।

यत्राहिसायिभगवान् यत्रास्त हरिरीष्वरः।

भङ्गो भवति वज्रस्य तत्र शूलस्य का कथा।।

अर्थात, आजको दिन घरका ढोकामा शेषनागमा शयन गरेका भगवान्को चित्र टाँसी पूजा गर्नाले वज्र, चट्याङ र आगलागीका साथै सर्प, बिच्छीको भय नहुने धार्मिक विश्वास रहेको छ।

धार्मिक ग्रन्थहरू गरुण पुराण, स्कन्दपुराण, नारदपुराण, भविष्यपुराण र वराहपुराणमा नागको पूजा, अर्चनाबारेमा उल्लेख भएको पाइन्छ।

वैदिक लगायत बौद्ध र जैन धर्मावलम्बीले पनि नागपूजा गर्ने प्रचलन रहेको पाइन्छ।

नागका अष्टकुल अर्थात् अनन्त, वासुकी, पद्म, महापद्म, तक्षक, कुलीर, कर्कट र शङ्ख नागको पूजा गरी दुबो, दूध, अक्षता आदि चढाई धूपधुवाँ गर्ने तथा आफ्ना कुलनागका थानहरूमा पनि विशेष रूपमा पूजा गरी खीर, रोटीलगायतका प्रसाद चढाउने गरिन्छ।

नागपञ्चमीका दिन बिहान सबेरै पुरोहितद्वारा घरको मूलद्वारमा नागको चित्र टाँसी पूजा गरेपछि गृहस्थीले क्रमशः नागपूजा गर्ने परम्परा रहेको छ।

यस उपलक्ष्यमा काठमाडौं, नक्सालको नागपोखरी, कर्कोटक नागको बासस्थानको रूपमा परिचित काठमाडौंकै टौदह, ललितपुर धापाखेलको नागदह, भक्तपुरको सिद्धपोखरी, पनौती लगायत देशका विभिन्न नागदहमा मेला लाग्ने गर्दछ। रासस

राजधानी बाहिरका केही सक्तीपिठहरुको धार्मिक महत्व हिन्दूहरूको महान् चाड बडादसैंको सामाजिक, सांस्कृतिक एवं धार्मिक महत्व छ । धार्मिक आस्थासँग जोडिएकाले नै घटस्थापनादेखि धार्मिक विधिहरू अपनाएर यो चाड मनाइन्छ । दसैंमा विभिन्न शक्तिपीठमा निश्चित विधि तथा परम्पराअनुसार ... [पुरै पढ्नुहोस् ]
विजया दशमीको धार्मिक महत्व र मान्यता यस्तो छ नवरात्रिको दशौ दिन लाई विजयादशमी पनि भनिन्छ| यस दिन मा भगवान रामचन्द्रले रावण माथि विजय प्राप्त गरेकाले यसलाई विजयादशमी भनिएको कथन छ| सोह्र सामग्रीले भगवती दुर्गा र अरू देवीहरू तथा देवताको पूजा गरी, नौ दिनसम्म गरेको ... [पुरै पढ्नुहोस् ]
हिन्दू राष्ट्र कायम नगरिए देशभर एकै साथ सत्याग्रह र भद्रअवज्ञा गर्ने नयाँ बन्ने संविधानमा सनातन हिन्दू राष्ट्र कायम नगरिए देशभरका धार्मिक संघ संगठनहरुले संयुक्त सत्याग्रह र भद्रअवज्ञा गर्ने भएका छन् ।राष्ट्रिय धर्मजागरण अभियान संयोजक शंकरप्रसाद पाण्डेको नेतृत्वमा दलहरुको स्वार्थका ला ... [पुरै पढ्नुहोस् ]
विश्वको सबैभन्दा ठूलो बौद्ध धर्मको थाङ्का नेपाल ल्याउने प्रयाश विश्वको सबैभन्दा ठूलो थांका नेपाल ल्याउने प्रयाश सुरु भएको छ ।लुम्बिनी भ्रमण वर्ष–२०१२ को अवसरमा यो थाङ्का जापानबाट नेपाल ल्याउन नेपाल बौद्ध धर्म संरक्षण समितिले प्रयास गर्ने भएको हो । बुद्धको जन्म चक्रदेखि निर्वाणस ... [पुरै पढ्नुहोस् ]
पशुपति जस्तो प्रसिद्ध तिर्थस्थलमा पण्डितबाटै यौन दुर्ब्यबहार पशुपति जस्तो प्रसिद्ध तिर्थस्थलका पण्डित नै यौन दुब्र्यबहारमा लिप्त हुन्छन भन्दा जो कोहीलाई पत्यार नलाग्न सक्छ । तर यो कटु सत्य हो ।पशुपतिस्थित आरतीस्थलका पण्डितले पटक पटक यौन दुब्र्यबहार गरेको आरोप खेप्दै आएका छन् ... [पुरै पढ्नुहोस् ]
तिजको ब्रत सम्बन्धी नायिका रेखा थापाको अनुभव म तीजको ब्रत बस्दिनँ। थाहा पाएदेखि अहिलेसम्म बसेको रेकर्ड छैन। यसोभन्दा मलाई नास्तिक भन्नु पनि गलत हो। मेरो भगवानप्रति गहिरो आस्था छ। बरु साउनका सोमबारको ब्रत बस्छु। साउनको ब्रतबस्दा भने दिनमा एकपटक चोखो र शुद ... [पुरै पढ्नुहोस् ]